فتافيت سكررر @ftafyt_skrrr

عضوة جديدة

اللي عايشه في جده تدخل سالتكم بالله تساعدوني

السلام عليكم ورحمة الله وبركاته اخواتي والله انا عندي مشكله مره مضايقتني اش رايكم بايجارات جده والله حرام والله نار حرام طيب الناس اللي ضروفهم ماتسمح وين يروحو بالشارع يعني انا ياخواتي كنت عايشه بالرياض مع اهل زوجي ونقلو زوجي لجده ورحنا جده موقتا سكنة عند اختي وزوجي وزوجها اخوان والحين قررنا نروح شقه لحالنا بس ولله شكلنا ماراح نقدر نخرج كل يوم اروح انا وزوجي ندور ارجع والله ابكي من القهر:( تخيلو والله اننا ندور باحياء بسيطهه مثل المكرونه والمطار القديم والجامعه نحصل ثلاث غرف ب23 والله مااكدب لا وكمان ياليت عماره جديده عماره قديمه ولا فيها مواقف والحي مره مو نضيف هدا اقل شي انا قلتلكم اقل سعر والله غير اللي يقولنا ثلاث ب28 وغير اللي يقولنا غرفتين ب22 واشيء والله تشيب الراس اخواتي ضروفنا ماتسمح والله راتب زوجي اربعه وعندنا اطفال يعني مره صعبه امانه ساعدوني والله اني قلت مافي غير اخواتي بيساعدوني بعد مافقدت الامل بالخرجه امانه اللي تعرف شقه نضيفه وما تكون اقل من ثلاث غرف وايجاره مايتعدى ال15 تقولي الله يخليكم ساعدوني والله استحيت من اختي وزوجها لين متى بنقعد عاله عليهم والله اللي تدلني على شي والله لادعيلها ليل ونهار وجزاكم الله خير

يلزم عليك تسجيل الدخول أولًا لكتابة تعليق.

تسجيل دخول

نور العسل • 13 سنة

الله يعينك اختي

فاكهة جده • 13 سنة

نور العسل :

الله يعينك اختي

الله يعينك اختي

اختي اسعد الله مساءك وكان الله في عونك بس هده جده نار نار لكن اشوف انك تدورين ناحيه جنوب جده بتلقين رخيص او في الشمال خلف قاعه فرح هي بعيده شوي لكن اشوف ارخص من باقي الاحياء وربي يوفقك

حوااء-22 • 13 سنة

انا من سكان جده وصعب جدا يا اختي تلاقين اجار ب15 الف ان لم يكن مستحييييييل..
ما ابغى احبطك بس هذا الواقع .!!
يعني بيت مقبول نوعا ما من عشرين وطاااااااااااااااااااالع
الله يعين الجميع وحسبنا الله ونعم الوكيل

zu111zu • 13 سنة

حبيبتي ... و الله مو عارفة أهونها عليك و لا أزيدها

تصدقي في السنتين الأخير زاد علينا الايجار 3 ألاف ريال .... تخيلي و رضينا و الحمد لله

بس نصيحة مني لا تفكري أبدا انك تلقين ب 15 أنا أنصحك تروحي جهة ( حي السليمانية ) و ( حي النزلة - عمائر الراحجي ) ( حي الوزيرية ) ( مخطط بن لادن ) ترى ممكن تلاقي شقة نظيفة و سعرها كويس

لا تنسي اسألي مكاتب العقار هناك ان شاء الله بتلاقي

الله ييسر أمرك يارب ........... اللهم امين

جووورية جده • 13 سنة

الله يعينك ياقلبي اما ب15 مستحيل تلقي كان زمان ذي الاسعار اما دحين من 20 وطالع وفي ازفت الاحياء كمان اصحاب الاملاك صارو طماعين كل يوم مزودين الاجارات بنت اخت زوجي ساكنه جنب المطار القديم ثلاث غرف ب24السنه === اكيد سديت نفسك بس من القهر والله ييسر امورك