اللي عدها خبره بعمليه الفتق عند الاطفال

العملية سهلة لاتشيلين همها

ولدي سواها على الجهتين على مرتين

مره وعمره شهر متخيلة أنتي ووزنه 1600 غرام
والثانية وعمره شهرين ونص ووزنه 2500 غرام

يعني متخيله العمر والوزن اللي سواها فيه ولدي
حتى انه العملية الاولى قالوا لنا كويس حصلتوا دكتور وافق يسويها له وهو بهالوزن الصغير
لانه فيها مخاطرة ومسئولية .
وأصلاً أجريت له بأقصى سرعة لانه كان التأخير راح يأثر على حياته بسم الله عليه
والحمدلله عدت على خير
وأي سؤال أنا حاضرة

وولدك ماشاء الله يعتبر كبير توكلي على الله وسويها له والله يقومه بالسلامة
بس أهم شئ لايصيح كثير بعد العملية
واستمري على المضاد والمسكنات

بنت اختي سوتها كان عمرها 3 سنوات وما جتها غير من القفز من فوق الكنب الله يصلحهم

بنتي سوتها قبل اسبوعين عمرها شهر ونص العملية الحمد لله بسيطة جدا ما أخذت أكثر من عشر دقايق في غرفة العمليات سووا لها العملية من الجهتين وطلعت ورضعت بعد ساعة من العملية وكانوا الممرضات يشيلونها وينومونها على جنبها والحمد لله مافيها الا العافية بعد العملية يعيش الطفل حياته طبيعية بس حذرني الدكتور من كثر البكاء لانه مو زين على الفتاق وقاللي إذا حسيتي أن البنت تبي تتبرز ( الله يكرمكم ) لا تنطرينها لما تتبرز من نفسها حطي عود تنظيف الأذن في زيت زيتون أو فازلين ودخليه في مقعدتها شوي شوي وانتظري دقايق إذا ما تبرزت حطيلها نص تحميلة جلسرين وفعلا مشيت على كلام الدكتور لين مر عليها عشر أيام والحين الحمد لله طيبة مافيها إلا العافية ويوم الخميس وديناها لمراجعتها وشافتها دكتورة الجراحة و طلبت مني آخذ الفازلين الطبي أو أي كريم مرطب وأسوي مساج على مكان العملية لانه بعد العملية راح تحسين مكان العملية يابس شوي
والله يقوم ولدج بالسلامة ولا تحاتين ترى العملية سهلة وما منها خوف وأي شي تبينه أنا حاضرة بس راسليني على الخاص .