اللي علاقتها بأهلها رسمية تدخل

السلام عليكم
كلامي مثل ماهو واضح بالعنوان والردود اتمنى تكون من البنات اللي يعانون ببيت اهلهم والان متزوجات ..
طبعا اذا كان الاذى من الحمولة يهون واذا كان من صديقة يهون واذا كان من قرايب بعاد يهون ولكن كيف اذا كان الاذى من خواتك ويحرضون الوالدة عليك يخبون عليك سفراتهم خطوباتهم وتعرفين عنها من الناس وطبعا ما اتكلم عن العلاقة مع الاب والاخوان فهم لهم كل الاحترام والتقدير والحدود قائمة مستحيل تزال ..
بس كيف شعوركم ي بنات لما تتضايقين من تصرفات احد ما وبغيتي تفضفضين لخواتك ومع الاسف يفرحون على حزنك ويكرهون سعادتك وتنسين شي اسمه طلعات معاهم تشاركينهم عزايمهم لانهم مايعزمونك ولا يبلغونك عنها وماتدرين الا بالصدفة كيف شعورك وانتي مهمشة تماما ؟ بالمجالس وقدام الحريم ما يقومون يسلمون عليك مع العلم الفرق بينكم سنة او سنتين يعني مو كبار بالعمر ... مايكلمونك ما يردون عليك وبالصدفة تسمعين دعاويهم عليك ! وغير تحريضهم للوالدة وتنطردين من بيتكم وانتي ماصارلك ربع ساعه زايرتهم وينحذف بوجهك المفتاح عشان تطلعين برا ! ؟
كيف شعوركم وايش تصرفاتكم مع اهاليكم واذاهم المستمر خصوصا للي مالله رزقها باطفال وعايشة الوحدة بحذافيرها ؟
ايش تقولين لزوجك اذا لاحظ وضعك ؟
اوقات ادعي على نفسي بالموت من كثر الهم والضيقة لا ولد ولا اهل ولا حمولة الله يفرجها