بسم الله الرحمن الرحيم
السلام عليكم و رحمة الله و بركاته
اللي على وشك ولاده يعني بالتاسع و الأفضل يكون من اول التاسع
روحي يا طويلة العمر للعطار و إطلبي منه ورق توت العليق
و كل يوم إشربي منه مقدار كاس واحد .كاس الجبنه او أي شي بحجمه
إغلي الماء
بعدين حطي شوي من ورق توت العليق بالكاس
و صبي عليه الماء المغلي
و حليه بالعسل الطبيعي أو السكر و الأفضل العسل
و خليه شويه بعدين حركيه بالملعقه و إشربيه .
فائدة ورق توت العليق يقوي عضلات الرحم و يهيء عنق الرحم للولاده .
و إذا جاك الطلق تبخري بشوي كمون , و إشربي حليب بالعسل الطبيعي و كثري منه , و لما يشتد الطلق إشربي الشخيله و هي تمر مهروس بماء يعني موية تمر و عليها شوي رشاد و تخلينها شوي على النار و تشرينها دافيه ,
و لا تنسين كف مريم مع إني ما أخذت من كف مريم إلا رشفه رشفتين و هم طايرين فيني على كشك الولاده ههههه
إيه كثري من التمر .
و ربي يرزقك ولاده يسيره .
يلزم عليك تسجيل الدخول أولًا لكتابة تعليق.
التاجرة أم عبودي
•
الله يسهل للجميع
الصفحة الأخيرة