اللي على وش زواج تتفضل ..

انا متزوجه ولكني سبق وجربت هالوضع ...والله اني اتمنيت الارض تنشق وتبلعني من كثر الضيق اللي عانيته واحساسي اني مراقبه في كل حركه اسويها او كلمه اقولها هذا علاوه على شخصيتي اللي حسيت انها بدات في الذوبان شيئا فشيئا بسبب تدخل اهله بكل صغيره وكبيره فالبيت بيتهم اولا واخيرا ......

الموضوع والمعاناه يطول شرحها وانا لااريد الاطاله اكثر من ذلك ولكن نصيحة لكل من تفكر في العيش مع اهل زوجها ان تعلم يقينا ان مفتاح سعادتها في استقلا لها بحياتها (حتى لو في غرفتين) المهم انها تحس بانها في مملكتها الخاصه بها وحدها مع تمنياتي لكم بالسعاده..

ملحوظه:اهل زوجي ناس جدا طيبين يعتبرو ولم يحصل بيني وبينهم اختلاق قط ولكن الامر اكبر من ان يكون مجرد مشاحنات ....اتمنى ان يكون المعنى الذي قصدته قد وصل...وبااااي

وانا مع الاخت رحيل العمر

الوحده تعيش في بيت مستقل عن اهل زوجها ابركلها واريحلها

وصدقيني بترتاحين وما بتحسين انج مراقبه ومحاسبه على كل كبيره وصغير

حتى انشاء الله لو كانو طيبين معاج

والله ايوفقكي

القول ماقالت رحيل
انا عايشه معهم بنفس البيت لكن فوق منهم والله بيتى ماله حرمه حتى غرفة النوم يتم بين فترة واخرى اكتساحها وتفتيشها من قبل الاخوات وبنات الاخوان كل شى يدخل البيت لازم تتم الجمركه عند الدرجان وكل شى يطلع من العين والغيرة تبدا
لا والف لالالالالالالالالالالا اذا كان قادر يعيشك فى بيت مستقل

الصراحه ماراح ارضى اسكن معهم ......مونقصان فيهم بالعكس من احترامي لهم وعشان تبقى الموده اسكن بعيد عنهم
وغير كذا الخصوصيه والاستقلاليه وتحسي انك مسئوله عن بيت.....كله ماراح تحصليه الا لوحدك

وياشيخه.............بيتك مملكتك الخاصه فيك

السلام عليكم و رحمه الله و بركاته
___________________

الحقيقه ان الموضوع مهم و حساس ..

و رغم اني ما جربت اعيش مع اهل زوجي .. لكن مرت علي مشاكل كثيره ..

و مما يحضرني ان وحده من صديقاتي .. عايشه مع اهل زوجها .. كانت تتفاجأ بأن اخت زوجها لابسه من ملابسها .. او ماخذه مكياجها .. و المشكله ما كانت تعرف الا وقت ما يطلعون مع بعض هي و زوجها و اخته ..

لدرجه انها كانت تاخذ ملابسها الجديده اللي هي نفسها ما لبستها ... و مره كانت صديقتي و زوجها بيطلعون و يحتفلون بذكرى يوم ملجتهم .. دورت على بدلتها اللي كانت مقرره انها تلبسها .. لقتها عند اخت زوجها و هاريتها من كثر اللبس ..

و الطامه الكبرى انها كانت تلاقيها تاخذ اخص الملابس .. اللي الوحده ما لازم تلبسها الا لزوجها .. و المشكله كانت تسأل اخوها اللي هو زوج صديقتي بعد ما تلبس هالملابس الخصوصيه (( فلان اشرايك ؟؟ حلوووو علي؟؟؟ ))...

المسكينه صديقتي كانت تقول لي .. اذا اخته تلبس له جذي .. انا شنو البس له :44: ؟؟؟؟؟؟؟؟؟؟؟؟

و الله يعينها المسكينه



تحياتي
____
:24: