اللي عمرها فوق 25 تدخل

سلام

انا بأكتوبر الجاي بدخل الـ 25

اهم شي نهتم بترطيب البشره وشرب الماء

نتجنب السهر <<< طيب وش مسهرك للحين :32:

ولا نطلع الشمس الا بعد وضع الواقي بربع ساعه

وفيه اقنعه طبيعيه تأخر التجاعيد مثل الخيار مع الزبادي

او تمررين شريحة انناس على الوجه وتترك لمده ربع ساعه

وبس هذ اللي عندي :41:

ANOTHERحبيبتي و اختي
شكرا لك على مشاركتك
و اللي مسهرني بصراحة هذا المنتدى اللي اكثر من روعة :27: بصراحة كل ما بغيت اسكر و اروح انام ما اقدر هاهاهاهاهاهاهاهاها
ننتظر مشاركات باقي الاخوات

السلااااااام
انا شهر 9 بصير 25 يالله كل وحدة تجهز هديتها خخخخخخخخخخ



المهم انا سامعة من وحدة انها ماتستغني عن مستحضرات جيرلان حتى الخبيرة قالتلها من توصل البنت 25 لازم تستعمل الكريمات اللي تؤخر ظهور الشيخوخة مو اللي توخر التجاعيد في فرق
خصوصا ان احنا في منطقة حارة والشمس تسرع ظهور الشيخوخة والتجاعيد والبقع
يقول لج ان البشرة لاصار فيها خطوط دقيقة ولا بقع ولا شي معناته ان الوقت متأخر المفروض تكونين مهتمة من زمان
يعني لاتنطرين يطلع فيج شي عشان تستعملين كريم ولا شي
لازم من الحين
وصراحة ماركة جيرلان انا وايد احبها وصج وايد يمدحونها حتى المشاهير اللي برة مايستغنون عن كريمات الحماية والترطيب من هالماركة من كثر ماهي زينة

السلام عليكم ورحمة الله وبركاته خواتي الحبيبات بصراحة أنا فوق الـ 30 بس ما حد يعطيني عمري والحمد لله والخميس اللي طاف كان عند صديقتي خالتها يعني أم خطيبها والبنت أصغر مني بـ 4 سنوات و كاشخة ولابسة وحاطة ماكياج وأنا بعباتي وشيلتي وبدون ماكياج وحيل تعبانة وأم خطيبها تسولف وياي وبوسط الحكي تسألني عن عمري أقول لها كبيره إلا تقولي بس أكيد أصغر من فلانة، المهم الحمد لله أنا كتير مهتمة في حالي وهاجسي الأكبر التجاعيد فآسفة على القرقة أدش بالمهم أنا بفضل الله وحده وايد مهتمة بغذائي وشرابي ما أشرب بيبسي ولا غيره ولا شاي أسود فقط الأخضر وما أشرب عصيرات إلا الطازج والمعلب مرة أو إثنين بالسنة ولظروف إضطرارية وكذلك البورجر والنقانق والهوت دوج ما أكلهم يمكن مرة بالسنة ولازم 90% من الأيام 4 حبات فواكه و4 حبات خضار طازج، وعن الكريمات أستخدم كلارنس ماسكات وكريمات ترطيب وواقي الشمس بأستخدم فيشي وباسوي بالإسبوع مرتان ماسك مرة طبيعي ومرة كلارنس والحمد لله رب العالمين بشرتي فتية ونضرة ونسيت أقول لكم سر قيام الليل وصلاة الفجر بينوروا الوجه صلي الفجر وإدعي للنـــــــــــــــــــــــــــــــور الجميل إن يلبسك من نــــــــــــــــوره وجمالــــــــــه عز وجل.
والسلام عليكم ورحمة الله وبركاته...

يسعد صباحكم
اختي اول غرام شو نوع القشطة الي بتستخدميها ولا مو مهم اي نوع ممكن استخدم
يا ريت تردي علي بكون شاكرة الك فضلك