اللي عمرها 29 في امل تتزوج واحد اكبر منها ومو متزوج؟

اي والله في وامل كبييير بعد
وايد وايد حريم كبار تزوجو رجال متزوج لاول مره واعرفهم شخصيا
ومنهم وحدة اقسم بالله عمرها في منتصف الثلاثين متينه وسمرا وجمالها محدود لكنها طيبه وخلوقه وهي تشتغل فالمستشفى موظفة استقبال ، والله مب القصد اني اقلل من شأنها او شكلها
تزوجت دكتور ابيض طويل واول مرة يتزوج الله يخليه لها ويسخره لها
لدرجة فالعرس الكل كان يقول ساحرته حسبي الله عليهم هالاوادم، وهي مصليه وصايمه

ووحده وظيفتها موجهة عمرها فالاربعين تزوجت سعودي اول مره يتزوج بس مايشتغل هي تصرف عليه ومسكنته في بيتها

ووحده في نهاية الثلاثين خذت واحد يشتغل فالحرس الاميري

وفالنهايه الزواج نصيب
الله يرزق جميع بنوتات عالم حواء الزوج الصالح

أكيد ياقلبي مو أمل امااااال لاتخافين باْذن الله راح تتزوجين اللي يسرك ويعفك ويسعدك وعازب وتقي نقي ويخاف الله فيك ومايشوف غيرك بهالدنيا يارب عاجلا غير اجل


حسبي من الفخر انك والدي وحسبي من الحزن انك تحت الثرى

من كل النماج الي حولي لاحظت ان الي تعلق املها بالله وحده ( وحده ) تتزوج افضل. من الي تتمناه
لاتنسين ان الي خلقك ورزقك هو نفسه من قال ( أنا عند ظن عبدي بي ) سبحانه جل في علاه
لو اقول لك قصصي قبل يوم اعلق املي بالاسباب ولما تغيرت وصرت اعلق املي بالله وحده وانا متأكدة من الإجابة وحسن ظني بالله ماخلصت ماشاء الله
الحمدلله من قبل ومن بعد

اكيد حبيبتي لساتج صغيره باول العمر

خالتي تزوجت بهالعمر والحين معها ولد
وخالي تزوج وحده بالثلاثين ناضجه وخلوقه ومعاه الحين ولد وبنت وحياتهم جميله ربي يتمم لهم ويسعدهم
وحده من قرايب امي تزوجت شخص منصب ومال وجمال وسمعه ومريحها ع الاخر وهي كان عمرها لما خطبها ٤٢
وبنت جيران جدي بناتهم تزوجو بثلاثينات وسعيدات ومعاهم الحين اطفال واخر وحده تزوجت السنة اللي طافت عمرها كان ٣٨ قبل شهر ولدت والحمدلله مرتاحه ربي يبارك لها

خالة زوجي منفصله وتمت ١٠ سنوات وعمرها قريب ال٤٠ وماشالله تزوجت شخص حسب ونسب ومال وصيت ومن عائله ومدلعنها ع الاخر ومريحها وعوضها عن كل اللي عاشته والحمدلله خلفت وسعيده ربي يتمم لها يارب

حبيبتي العمر مو مقياس
العمر عباره عن تقدير رقم والمراءه مهما صار تظل جميله ورقيقه ومرغوبه
وبالذات الزواج مرتبط ارتباط كلي بموضوع الرزق والقسمه

وان شالله ربي يرزقج بزوج صالح يسعدج ويهنيج
لاتفكرين بعدج وايد صغيره
وان شالله ربي يرزق جميع الصبايا بأزواج يستاهلهن ويريحوهن ويحطوهن ع روسهم

اخوي  لما تزوج كان عمره 24 وزوجته 29 والحين عندهم 3 اولاد ما شاء الله واعرف وحدة من جماعتنا تزوجت وعمرها 29 وزوجها حدود33او34 واعزب وبنت عمتي تزوجت وعمرها 32 واخذت واحد اعزب وبنت عمتي الثانيه  تزوجت وعمرها 29 واحد اعزب بس نصييييحه ادعي والحي وخلي املك بالله قومي الثلث الاخير وادعي واستغفري كثيرررر والله يرزقنا اجمعين يارب