اللي عملته غلط ولا صح؟

السّلام عليكم بنات 🌸
حابّة أستشيركم بمشكلتي..
السّنة اللي فاتت خلّصت مدرسة.. في هذه المدرسة عانيت من قلّة الثّقة بالنفس، حرفيا ثقتي بنفسي كانت تقريبا صفر.. بنت هادئة.. ما أظهرت قدراتي في المدرسة لأني كنت أعاني نفسيا مع نفسي ومع شخصيتي اللي حابة أغيرها.. مع ذلك كنت أحصل أحسن علامات ولكن الأغلب ما يعرف لأني ما حبيت الغرور هذا.. في مدرستي كوّنت صداقة مع كم بنت.. ما بقيوا منهم غير بنت واحدة اللي أقدر أقول انها أحسن واحدة فيهم.. بس أنا حابة أبدا صفحة جديدة في حياتي، أو حتى فصل جديد.. تعبت من نفسي وحابة أتغير وحابة أترك كل الناس اللي شككوا في قدراتي وأرجع أبني نفسي وأكوّن ثقتي بنفسي.. عشان كذا حذفت الكل وغيرت رقمي، حابة أغير محيطي وأحيط نفسي بناس مختلفين ما يعرفوا عني شي وأكوّن صداقات جديدة في حياتي.. بس قلبي يوجعني، ما أعرف أنا اللي سويته صح ولا غلط انّي حذفت ذيك الصديقة بالذات.. عندها صديقات غيري بس بالقرب هذا ما أعتقد عندها.. أنا بصراحة ما كنت أشكيلها همومي ولا أهاوشها ولا شي.. كنّا نمزح ونضحك مع بعض وكذا.. أنا مو من النوع اللي يحب يفضفض لغيره لأني ما أوثق بحد.. خايفة على مشاعرها، ما أحب أكسر قلب حد، بس من جهة ثانية مو حابة أخلي في حياتي شخص قلّل مرة من المرات بقدراتي.. ما أعرف ايش أسوي، شخصيتي كذا دايما متلبكة ما أعرف أقرّر..
أنا حاسة نفسي سويت صح كذا علشان أغيّر نفسي شوي شوي بدون ما حد ييجي يضغط علي ويفكر نفسه عارفني.. قرفت الناس ومابي أحد، عيلتي تكفيني والحمد لله.. انتوا ايش رايكم؟