بالعكس بنات الشنطة سهلة جدا بس زي ما قالت ام عزيزان تتبعي الباترون بالضبط وتطلع معاكي مزبوطة

حبيبتي تقسيمك للغرز خطا
شوفي بداية الباترون والبدايه اللي كتبتها بتفهمين الخطا
عشان يضبط معاك الشغل لازم يكون اول سطر الاجزاء الثلاثه فيها متساويه
مثل ماقالتلك ام عزيزان امشي عالباترون افضل
لحد بتضبطين الشنطه صح
وتصيرين تعرفين وين تزيدين ووين تنقصين من غير ماتعدين بمجرد ماتشوفين الغرزه تعرفين وين الزياده ووين النقصان
يعني تمرني عليها وبعدين اشتغلي بالحجم اللي يعجبك
وبالنسبه لغرزه العمود بتعطيك طول بالشنطه بس لو كنتي مرخيه ايدك مره فالافضل تختارين نصف عمود عشان مايطلع شكلها ماله داعي
وبتعرفين الاشياء هاذي مع كثرة شغلك بالشنطه
طيب كيف تقسمين الغرز للشنطه؟

شوفي معاي هاذي الخطوه وشوفي الباترون
لو بتسوين مثل الباترون 18 سلسله
التقسيم بيكون
2 سلسله الارتفاع +4 نص عمود _ التزايد 2 عمود بمكان واحد _ 5 نص عمود _ الزياده _ 5 نص عمود
شوفي الفرق بين التقسيم هنا وتقسيمك

11ع 2ع 12ع 2ع 11ع

الخطا عندك انك ماساويتي البدايه
يعني المفروض على تقسيمك هذا يكون
3 ارتفاع كاول عمود +11 عمود _ الزياده _ 12 عمود _ الزياده _ 12 عمود
توضيح اكثر بيكون عندك الحين
(3 سلسله +11 عمود يساوي 12 عمود )12 عمود - الزياده - 12 عمود - الزياده- 12 عمود
اذا بداتي هاذي البدايه بيكون شغلك صح للسطور اللي بعدها
طيب السطور اللي بعدها الطرفين بيتغيرون ان كل طرف يزيد واحد عدا الوسط يبقى مثل ماكان باول سطر 12 عمود
واتمنى انك تمشين عالباترون شنطه شنطتين وراح تفهمين الباترون وكيف تزيدين
وعلى فكره انا اتقنته بعد 5 شنط صغيره من الباترون الاساسي وبعدها صرت امشي عالسنتيمتر
لان بعدين بيهم المقاس اكثر من عدد الغرز او الاسطر لان كل ماكان الخيط سميك الشنطه صارت كبيره حتى لو الاسطر قليله والعكس طبعا
بالتوفيق

بالتوفيق يارب

هذا جزء التزايد هل صح علي اكمل ولا لا ومكان البنسه التزايد

شهريه

ايوا صح وتابعي عملك نظيف ومرتب ومتقن وصحيح ... موفقه