سلام لجميع من اشترك في الموضوع حبيت اطلب رقم وعنوان الصالون اللي في البحرين وكمان اللي في الدمام اذا سمحتو اللي عنده القم والعنوان ترسلي على الخاص بسرعه اذا ما فيها كلفه عليكم بلييييييييييييييز

السلام عليكم
انا سويت اليوكو امس الثلاثاء والبوادر زينه بس طبعا لازم استنا يومين عشان اغسله
يعني بكره الليل او الجمعه اعلمكم النتيجه
انا بالرياض والمشغل اسعاره لليوكو حسب طول الشعر:
الشعر القصير 1200 ريال
الشعر المتوسط الطول 1350 ريال
الشعر الطويل 1500 ريال
وقعدت من 4 ونص الين 8 ونص اشوا اني ماخذه قهوتي :)

سنوعة هنا ؟؟؟؟؟؟؟
من زمان عنك ؟؟ وين رحتي ؟؟


:42: ومبروووووووووووك (عشان سويتيه)
عاد أنا لك معي رحلة مع الشقاء يوم أراسلك وغثيتك عشان أعرف الأماكن اللي تسوي اليوكو في لبنان بعد سواليفك المشششجعة عن قريباتك .. بس يوم دريت ان اللي صلح معها كانت صغيرة ومسويته عند رجال .. ضاق صدري :06: :27:
ايه ترى لازم ماتربطينه وللاتلفينه ولا شي تتركينه في هاليومين ( قلت أبرئ ذمتي :o )
سنوعة نسيتي أهممممممم شي .....
وش اسم المشغل ؟؟؟؟؟؟؟؟؟؟؟؟؟؟؟؟؟؟؟؟
ولاحظت ان اسعاره معقولة
يارب يطرح لك البركة في شعرك ويعطيك خير هالمعالجة ويكفيك شرها يااارب

انا لي اعرفه انه بعد كم شهر يبدا الشعر يتساقط

هلا بنات
سويت اليوكو مثل ماقلت والحين لي يومين مغسله شعري لان هو لازم يقعد 48 ساعه مايتغسل واقولكم
سوووووووووووووووووووووووه
اول مره احقد على امهات شعور ناعمه اثاريهم مايتكلفون ولايتعبون لايقولون الا بالتسريحات جعلي ماسوي تسريحه ابد يكفي الراحه
انا شعري ملمسه ناعم بس يتلفلف عشان كذا سويت اليوكو وبصراحه روعه وراحه
وبعد اسبوع اعلمكم اكثر كانه تغير والا شي
وعلى فكره الي يقولون يتساقط ابدا مايتساقط اختي لها تسع شهور وماصار شي الحمدلله الا احسن واحسن
والي يبي يعرف اكثر اقروا عدد الجميله لشهر ابريل فيه تفصيل عن اليوكو

سويتي ابدا ماغثيتيني ولاشي الناس لبعضها
و معليش نسيت اكتب المشغل (يبرين )وارسلتلك على الخاص
وتسلمين على الدعوه الله يوفقك يارب