آآآه وآآه واجر الاآآآه ورا الاآآآه

شي يرفع الضغط انا صرت ادرس من اول جديد مع عيالي ورابع عالم ثاني العام ادرس ولدي باول متوسط واليوم لقيتها بكتاب رابع

وربي صدعت ولاعت كبدي والوقت قصير والواجبات كثير واغلب الوقت يروح تفحيط بقوقل لالقينا اجابه ولاشرح زي الناس والمطويات فقعت مرارتي تنام وهي تقص وتلزق

الله يعيننا بس

حسبي الله عليهم
يعقدونهم والله مو ناقصين

أنا أدرس الصف الخامس وبالنسبة للقصة عرضت قصة من الكتاب وتم التعرف على خريطة القصة
وبعدها في حصة آخرى وزعت قصص على الطالبات وتم استطلاع كل وحدة على القصة وبعدها بحثن
عن الكاتب واسم المجلة والعدد ومكان وزمان القصة والشخصيات والمشكلة والحل
وفي الحصة التالية تم تلخيص الطالبة للقصة التي قرأتها ولقد شعرت بسعادة الطالبات وهن مشغولات بالبحث
وممكن لك الاستعانة بمنتدى لغتي

اذا ماعندك حد يدرس في اول متوسط فروحي صلي لربي ركعتين شكر عندي ولدي عساه بعمري عنه يبكي كل يوم من المناهج مع العلم انه ممتاز ولا يرضى بأقل من الممتاز لكن هذا تعجيز مو دراسة لاو الله الله لا يوفق من حطها ولا يسامحه ولا يحله في الدنيا ولا في الاخرة زي ماقلتي يمكن مناهج الجامعات اسهل انا متعلمه ولله الحمد لكن عجزت والله العظيم اني الم بشوية دروس مدري اللي حطها اش فاكر عقول اطفالنا الله يعينهم على هذى المصيبة اللي ماكانت في البال ولا في الخاطر قال تطوير تربوي الا والله تدمير تربوي وعلى يد ارهابيين موخبراء تربية حسبنا الله ونعم الوكيل

ههههههه ايه والله الله يعين على هالمناهج طوروها وابتلشنا المفروض يطورون المعلمين والمعلمات اول
والله ماعندي احد في صف خامس وادخلي منتدى التربية والتعليم تلقين فيه قسم لغتي الجميلة ان شاء الله تلقين فيه الحل
ولاتنسيني من صالح دعائك