مدام حره :

صغار مره شغلي لهم المسجل قرآن على طول عشان يهدون شوي وانتي اصبري كمان زي اعمار أولادي اذا انتي مغيرة لهم البامبرز وأكلو خليهم يبكون ماراح يضرهم انا مره سمعت دكتور نفسي يقول هالكلام يبكي ساعه ساعتين بعدين يسكت الله يعينك وياجرك عليهم

صغار مره شغلي لهم المسجل قرآن على طول عشان يهدون شوي وانتي اصبري كمان زي اعمار أولادي اذا...

دكتورة رانيا :

حبيبتي معليش كلهم كدا يتعبو الله يحفظهم ويصلحهم دحين الكبيرة سنتين يعني ابدأي استخدمي معاها الnaughty chair كرسي العقاب او درجة العقاب ومرة لا تقولي صغيرة وتحزني عليها وتتهاوني حتكبر وتصير شيطانة وكريهة وتجيبلك الهرج امس قريت موضوع البنت 7 سنين ويقولو صغيرة حرام مدري كيف كدا وهيا مفروض تتآمر بالصلاة في دا السن !!! المهم ازا مثلا قولتيلها لا تقفلي الباب وما سمعت على طول خديها وحطيها في الكرسي دا او ع الدرج وقوليلها اقعدي هنا انتي معاقبة وازا قامت رجعيها كل ما تقوم رجعيها ان شاء الله تقوم 10 مرات لا تستسلمي رجعيها لغاية ما هي تتعب وخليها دقيقتين لانو عمرها سنتين على كل سنة دقيقة بعد ما تخلص الدقيقتين روحي عندها وانزلي لمستواها وطالعي في عيونها وخليكي جادة وقوليلها انتي تعرفي ليه انتي هنا وفهميها غلطها عشين عملتي كزا وكزا بعدها خليها تعتذرلك لو ما رضيت امشي وسيبيها كمان دقيقتين وارجعي لها قوليلها ها عرفتي غلطك دحين وحتعتذري ! لا تخليها تروح لما تعتذر حتسمعيها تبكي وحتصرخ وترفس وتحسي قلبك يتقطع عليها نفسك تشيليها خلاص وتضعفي بس لا امسكي نفسك حتى لو حالي روحي ابكي في الحمام لا تخلي الطفل يعرف انو يقدر يتحكم فيكي ويلعب باعصابك الحمام خليها طول اليوم بدون حفاضة وكل ساعتين لتلاتة ساعات وديها الحمام الله يكرمك ورشي لها موية واقعدو شوية اتحكو حتحفزيها انها تعمل وكل شوية اساليها في شي ! لما تنام وتدخل في النوم لبسيها حفوضة وحاولي قد ماتقدري تصحي كل كم ساعة توديها الحمام هوا صعب صح لكن مو مستحيل ماما تقولي انتي وأختك من سنة وستة شهور خلاص علمتكم حمام حتتعبي شوية لكن التربية كلها كدا مو سهلة النوم كمان نوميهم بسررهم وخليكي جنبهم لغاية ما ينامو روحي وازا صحيت وحدة وبكيت لو ايش لا تشيليها معليش خلي الجيران تنزعج شوي بس طبطبي عليها بسريرها وخليكي جنبهم وخلي الباب شوية مفتوح والنور كمان حيتعودو الصغيرة طبعا ما تقدري تتفاهمي معاها مرة بس ابدأي معاها من بدري في موضوع النوم وازا بكيت مثلا تبغى شي تتدلع عليكي لا تستجيبيي خليها تبكي شوية وتسكت موضوع اللعب جيبي لهم المحبس الكبير وحطي في ألعابهم ولو كنت تفتحي لهم التلفزيون حطيه قدامهم وروحي حتى ازا بكيو طنشي انتي عارفة انهم بيبكو دلع يعني مو جوعانين ولا في شي يوجههم خلاص والله يخليهم ويحميهم وتفرحي فيهم يارب

حبيبتي معليش كلهم كدا يتعبو الله يحفظهم ويصلحهم دحين الكبيرة سنتين يعني ابدأي استخدمي معاها...

امي اغلى ماعندي :

الله يعينك اختي التربية تبي صبر وسياسة اولا الصراخ والملل من ابنائك دعية جانبا هذه حيا ةيبيلك طولة بال لاتناقشين الكبيرة بشي تغافلي تغافلي وراحتها حياتك مو كل شوي تعالي روحي سوي اتركي ترى كل ممنوع مرغوب اما بالنسبة لنومهم اذا انتي ماتقومين الا الساعة وحدة الظهر فاتركي العادة هذي تراها عادة سيئة غير صحية قوميهم بدري ولا تنومينهن الظهر او العصر حاولي قدر الامكان تربينهن على عدم النوم صدقيني ماتجي الساعة ثمان العشاء الا هم شخري

الله يعينك اختي التربية تبي صبر وسياسة اولا الصراخ والملل من ابنائك دعية جانبا هذه حيا ةيبيلك...

رهف85 :

اختي الله يساعدك ويقويكي اعتبريهم مثل التؤام اولا الحمام من راي تاخريه لين 3 سنوات عن تجربة والاطفال قدرات اذا شفتي منها علامة بداية علميها وتوكلي على الله النوم اذا صحيت وحدة خليها في سريرها تبكي لين تصحي اختها صدقيني يصيرو ينامو ويصحو مع بعض انا قريت وحدة في المنتدى جربتها في موضوع للتؤام انا جربتها بااولاد اختي التؤام ان شاء الله تنفع معاكي اصبري كلها سنتين ثلاثة ويكبرو ربي يحفظهم لك ويبلغك فيهم لا تنسيني من دعواتك في هاذا الشهر الفضيل

اختي الله يساعدك ويقويكي اعتبريهم مثل التؤام اولا الحمام من راي تاخريه لين 3 سنوات عن تجربة...