والله انك صادقه الله يجزاهم الجنه على تضحياتهم وصبرهم في سبيل سعادة عيالهم والله أحس أمي ما فيه زيها بالدنيا الله لايحرمنا منها ويخليها لنا ويقدرنا نرد لها ولو جزء من اللي سوته لنا واتمنى أكون أم زيها لعيالي
والله انك صادقه الله يجزاهم الجنه على تضحياتهم وصبرهم في سبيل سعادة عيالهم والله أحس أمي ما فيه...
امي ما يكفي الكلام ولا الكتابه فيها
الله يجزاها عني كل خير
والله يضيق صدري اذا شفتها متكدرة او احد نشب في حلقها وانا مالي حيلة وبعيده عنها
يضيق صدري اذا حسيت انها محتاجة لي وانا بنتها اللي تعبت وشقت عشانها ولا اقدر اكون عندها
والله دمعتي تنزل وش اسوي مالي حيلة يا ميمتي
ادري انك ماتقصرين معي ابد متى ما احتجت لك لكن حاولت وحاولت وبكيت وطلبت لكن مافي امل
ومع ذلك ياميمتي تقولين لي اصبري والحمدلله انت في نعمة ورجلك جنتك ونارك وهو الزم عليك
تهونينها علي وهي مهب من خاطرك ادري ودك اكون مثل فلانه وفلانه مرتبطة بامها
ادري ودك تكونين مثل ام فلان وام فلان بنتها وراها
ادري ودك تعتزين وتشوفين بنتك بجنبك عند الناس
ادري انك تنحرجين من نقد فلانه وفلانه
وين بنتك
ليش ما تجي
ليش كل سنه كذا
وليش وليش وليش
وانت تتظاهرين ان عادي عندك وتدافعين عني وتتلمسين العذر لي
وانا مالي حيلة وما بيدي حل ولا ربط
الا بالعكس
تأكدين على حق الزوج وارضاؤه وانه اهم شي بحياة الوحدة
وانت صادقة بكل كلمة وكل حرف
الحق معك يمه وانت الصح والناس خطا
يا حياتي ياميمتي الله يجازيك عني خير
تقصيري في حق امي وعجزي عن اشياء كثيرة هي اكثر شي تضايقني