اللي عندها اخوات وفلوبكم على بعض تحمد ربها الف مره

السلام عليكم

بدحل بالموضوع على طول عشان ما يطول

عندي خوات يارب لك الحمد كانهن عدوات ليش ما ادري ؟؟
احنا 5 بنات 3 كبار في الاربعينات ووحده فوق الخمسين وبعدين عيال وبعدين انا واختي الصغيره يعني فرق بيننا وبينهم بالعمر ومع ذلك الله يهديهم ما احس انهم خوات كبار كأنهم جارات .. اول كنت صغيره وكانت علاقتي فيهم عاديه .. بس من اول يوم تزوجت فيه وهوهم قالبين علي يبون يحطموني بأي شي يقدرون عليه عند الناس وعند حمولتي وكل احد خصوصا الكبيره كاني ماخذه زوجها ... اول كنت اكذب كل الافكار اللي تجيني وكنت اقول يمكن حرص علي يمكن من خوفهم علي يمكن ويمكن ...لكن الحال زااااااااااايد عن اي شي ممكن العقل يتقبله!!!

في زواجي ما يبوني اسوي ولا شي ..لدرجة ان اختي الكبيره اتصلت في المصوره بنفس يوم زواجي وقالت لها لا تجين احنا بنصورها بكمره عاديه :icon36:و قالوا لي لا تسوين زواج قلت نفسي بزفه وكوشه حتى لو بالبيت عادي قالوا ما يحتاااااج قلت لأمي قالت انتي وخواتك سوو اللي تبونه .. وخواتي كلهم مسوين زواجات بالبيت .. سمعت كلامهم وماسويت زواج وللحين ندمانه. سوو قضيه كبيره على سالفة السفر لشهر العسل وحلفواعلى ابوي انه يقول له ما نسافر لكن ابوي رفض وقال مالي دخل بالرجال هو اللي بيتزوج مو انا ..

اذا جت عندي عزيمه يجون اخر الناس وكانهم اميرات يترززون وبعد يتريقون قهوتك ماسخه تمركم اسود ... الخ
بنفاسي جارتي اللي ما تعرفني تجي اذا جوني ضيوف وتساعدني وتقدم وتطبخ لي لأني ما عندي شغاله الله يجزاها الف خير وهم من بعد زيارة المستشفى ما شفتهم ولا حتى كلموني بالتلفون
مع اني كنت اقوم فيهم بنفاساتهم قبل زواجي

اي شي اطبخه يقولون شين حتى قدام الناس يحطموني ويقولون وش جايبه اليوم ام الخرابيط (انا)
احلى شي عندهم يهزأوني ويحطموني عند الناس .. هذي متعتهم بالمجالس .. اي احد يمدح فيني شي على طول لازم يحطمون .. مثلا وحده تقول لي محلوه في نفس الثانيه اختي تقول من العصر وهو تصبغ بوجهها وتكوي في شعرها ههههه وتضحك .. يعني قايله دعابه .. المشكله البنت زميله لي من عشر سنوات ما شفتها .. هذا غير الحش في زوجي في كل مجلس يبون يقللون من قيمته عند الناس بأي شكل ..
اي احد يقول عني شي ايجابي لااااازم يردونه بشي سلبي .. سواء عني او عن زوجي او عن عيالي او بيتي او طبخي.. تجرأت واشتكيت لأمي منهم قالت لي انها ملاحظه حركاتهم بس ما اقدر اقول لهم شي مالي خلق المشاكل وعوار الراس .. تعبت منهم تعببببببت صرت ما احب اروح بيت اهلي ولا جمعتهم