اللي عندها ارتجاع بالمريء تدخل الله يسعدها

ماعندي خبره
لكن أي شي يتعلق بالمعده حاولي تصححين نوعية الاكل

ابعدي عن الدهون والفلفل والتوابل الحاره واعتمدي على الخضار والسلطات والمسلوق قدر الامكان ، ووجباتك تكون مقسمه 6 وجبات .


وبخصوص الانيميا ترى اعراضه تعب وضعف عام بالجسم و غثيان ودوخه وخفقان او دقات قلب سريعه وألم بالصدر وصداع وبروده او خدر بالاطراف وطنين بالاذن بالاضافه لتساقط وتكسر الشعر والاظافر وشحوب البشره .

العلاج سهل بإذن الله ويكون بالاكل ( حديد + فيتامين سي ) بالاضافه لتقليل الكافيين شاي قهوه كولا بيبسي واذا شربتي كافيين يكون اما قبل او بعد الوجبه بساعتين .

بشرط الاستمرار على الاقل 3 شهور


وصفة لعلاج الانيما نص كوب زبيب يماني اسود انقعيه بكوب ماء من الليل الى الصباح ثم اضربيه بالخلاط وصفيه واشربي منه كوب على الريق وكلي بعده برتقال او ليمون .

أو وصفة عسل اسود اصلي ملعقتين كبار + نص عصير ليمونه + ماء دافي اشربيه على الريق وبالليل .

أووصفة 2 شمندر مقشر ومبشور + برتقال او ليمون مقشر يضرب بالخلاط ويشرب مرتين باليوم تقدرين تضيفين له أي فاكهه تحسن المذاق مثل توت كرز فراوله تفاح .

أو وصفة ملعقتين دبس تمر وكوب حليب .


وجباتك ضروري تحتوي على مصادر الحديد مع فيتامينات اما فول او عدس او فاصوليا اعصري فوقه نص ليمونه أو كبدة أو بيض او لحم دجاج سمك ملوخيه سبانخ باذنجان


وكلي بعدهم برتقال او ليمون

والسلطه فجل سبانخ بقدونس وطماطم وفليفله بارده مع عصير ليمون

بين الوجبات كلي تمر مشمش عنب تين خوخ او مكسرات جوز لوز فستق .




واذا معك نقص كثير يفترض الطبيب يعطيك مكمل حبوب من الصيدليه او ابره او شراب .

واذا حسيتي ان الطبيب يخبص كل مره يقول شي روحي مستشفى ثاني عشان تتطمنين .

عواطف تركي
بالنسبه للانيميا كتبلي حبوب حديد والانيميا لها معي 6 سنوات تروح وتجي وتعودت على اعراضها وسرت اعرف متى تكون عندي من الاعراض اللي ذكرتيها
وجربت خلطة البنجر والزبيب ممتازه كانت ترفع الحديد عندي ب اسبوع بس مع التهاب المعده وباالاخص انو لازم معها ليمون ماراح اقدر عليها
والله اني على وجبتين البطاطس المسلوقه بدون حتى ملح و البيض المسلوق وفقط بحاول ازودها بس اخاااف من الاكل مره
الملح يتعبني والليمون وكل البهارات متعبه
الله يسعدك حبيبتي شكرا لردك ماقصرتي والله
الله يحقق لك كل اللي تتمنيه

الله يكون في عونك ويشفيك
غلط تستمرين على وجبتين فقيره بالفيتامينات والمعادن
دخلي لوجباتك السلطات الورقيه والخضار المسلوقه والتمر والفواكه
وبدال الوجبتين خليها 4 أو 5 وجبات لكن بكميات بسيطه لقمتين او اربعه كذا معدتك ماراح تتعب بإذن الله
واذا راجعتي الطبيب اطلبي منه يوضح لك النظام المناسب لحالتك عشان ترتاحين او يوصف لك فيتامينات مكمله وبيكون معها فيتامين سي وحديد وغيره
والتهابات المعده او القرحه والحموضه ضروري يوصف لهم دواء قبل الوجبات يعدل حموضة المعدة عشان يعزل التقرحات اللي تسبب تهيج وألم وبنفس الوقت تلتئم .
الله يشفيك ويعافيك

انا اعاني منه معاناه الله العالم فيها ثقل بالصدر والضهر وحرقان والالام بالصدر وشي واقف بصدري مدري بحلقي والالام الرقبه والالام اليد اليسرى الله يشفينا يااارب وغصه الله لايوريك وحاليا اتعالج

غاليتي خذي قبل النوم مبعثه كبيره علاج حموضة يريحك بعد الله