اللي عندها اطفال كيف من جد تعبت

الله يعينك اتوقع هذا حال كل ام عندها اكثر من طفلين ومافي عامله
لكن لاتضغطين نفسك الي يخلص يخلص والي مايخلص بعدين

الله يهديهم ويحفظهم لك
الافضل تتركي الترتيب والتنظيف وقت نومهم لان حتى لو نظفتي بيوسخوا
اما وقت بتخرجي خبريهم ان المزعج واللي يشاكس ماراح يشتري شوكولاته او تحرميه من الخروج معكم وقت جلسوك في الحديقه خليهم ياخذوا راحتهم في اللعب واشتري لهم كره يلعبوا فيها.

بقولك شي حطيه باذنك الطاقه السلبيه اذا كانت فيك تنتقل لاولادك اذا انتي حزينه او مضغوطه او مزعوجه اوووو اولادك نفس الشي يتضاربو. اكيد شي يعصب لكن لازم تضبطي نفسيتك
واذا كنتي مرتاحه ورايقه الطاقه الايجابيه هذي تنقل للعائله
اللي يروقك هو انك تتحممي وتسترخي وتعدلي نفسك
انا عندي ونفس الشي انضغط منهم والترتيب لاتضغطي نفسك يكفي انك كنستي ونطفتي المطبخ والباقي خليه وارتاحي
والله يحفظهم لك

قولي الحمدلله والشكرلله على نعمه عليك الذرية نعمه من الله الله يحفظهم ويصلحهم
بعض الناس يتمنى يرزق بطفل ولو واحد
{ المال والبنون زينة الحياة الدنيا }

صدقيني انت متضايقه من اشيا كثيره ومبين من نفسيتك اصلا


اذا عندك اهل روحي ريحي عندهم يومين وخليهم يمسكوا عيالك
واذا لا هذي لفه ع مواضيع الحريم اللي نفسها ب اطفال ولا اللي اطفالها تعبانين وهي تتمنئ انها يصارخون ويلعبون عندها




هذا مو معناته انك ما معك حق لا بالعكس كل ام تجيها فتره تحس مالها نفس بشي وتذكري الاجر اللي بتاخذينه وكلها كم سنه ويكبروا ويعوضك وانت تشتاقي لهم لما كانوا صغار 🥺🥺


لازم يكون عندك غرفه ضروري للالعاب ولا لعبه تطلع بري الغرفه وطبعا الاكل يكون بالمطبخ الاكل لو قطت بسكوت ما تنوكل الا بالمطبخ


لما تصحي الصبح تفطري اولادك ويروحوا المدرسه حاولي تخلصي المطبخ وترجعي تنامي علشان الظهر تقومي تسوي الغذا ويكون مطبخك نظيف وبعدها قومي ع البيت رتبي غرفه النوم وسكريها وغرفه عيالك وسكريها واشطفي الحمام وخلي بيتك كله نظيف خلاص بعد الغذا مايكون عندك شي خذي جوالك وجيبي عيالك وحطيهم بالغرفه الالعاب وانت اقعدي عندهم


وسوي لك جدول بببيت وتري انت اللحين بوضع تري مو شرط تطبخي اكلات صعبه وبوضع بيتك مو دايم نظيف فيه اطفال


وبالنسبه الهوشات تري كلهم كذا واذا مره طفشوك قولي اللي يبدا ع الثاني راح اعاقبه ماياخذ الايباد او التلفزيون عاقييه ب اي شي يحبه وقولي تري مركبه كاميرات بالبيت اعرف مين اللي ضرب


والله يهديهم ويصلحهم وتبي الراحه والطمانينه اذا ناموا ولا بالمدرسه شغلي القران وحاولي تختمي سوره البقره لو كل يومين ثلاثه الصلاه بوقتها وفيه حركه حلوه اذا اذن صلي ع النبي وقومي شوفي لك اي شغله بالبيت يعني تمسيح ولا جلي بس بين وقت الصلاه والاقامه تصلي ع النبي وتقومي تشتغلي بس اذا قوموا الصلاه خلاص اتركي اللي بيدك وتصلي ولو عندك وقت تقدري تنامي اظهر تقيلي


ف يكون احسن ماتنامي الصبح الصبح فيه بكره وتخلصي بيتك كله وكل شي وهو للحين ماجا الظهر واذا سويتي الغدا سوي العشا معاه بنفس الوقت تقطيع وحوسه مره وحده


اتمنئ افدتك




استغفرالله واتوب اليك