بسم الله الرحمن الرحيم
الله يعطيك العافيه وتجيبن له اخ واخت يلعبون معه بس ودي الفت انتباهك لبعض الامور
صدقيني حبيتي انجاب الاطفال ورا بعضهم مرهق للام والاب والاطفال انفسهم وماراح يكبرون ويعتمدون على انفسهم الا بعد ما يطلع الشيب براسك وتخسرين كثير من صحتك لذلك اذا كان ولدك يمل بروحه حاولي بكل الطرق انك تشغلينه بالعب او الكتابه او اطفال الجيران انت العبي معه وجيب اوراق والوان وقصص ورسومات والعاب يركبها على الاقل ياأختي الى ان يتم عامه الثاني وفوقهم 3شهور وبعدها الله يكتب لك واحملي وباذن الله ما يشرف المولود الجديد الا وولدك الاول عمره 3 سنين تكونين بهالفتره علمتيه الاعتماد على النفس في الاكل واللبس والحمام وانت بكرامه
وصدقيني راح ترتاحين وماراح تحسين بالضغوط اللي الكتير من الامهات يعانون منها لانه مافي نظام مع الاسف بالاضافه يااختي فيه نقطه جدا مهمه وهي الغيره ولان الغيره شعور لابد من وجوده بين الاخوه الصغار فعلى الاقل تقدرين تسيطرين عليها وما يكون التعبير عنها بالعنف كيف؟؟؟ انا اقولك ووهذا من ملاحظتي الشخصيه ان الطفل كل ماكان اكبر في العمر كل مااستوعب اكثر وجود اخ شريك له في حياته وكل ما كان اكثر قبول له بالاضافه الى تلهفه لوقت قدومه ومتى يكبر والنقطه الاخيره اللي ودي تفكرين فيها ان لاسمح الله لو الولود الثاني جاك من النوع اللي يصيح ومتعب بالليل ايش راح تسوين مع وجود طفل ثاني ؟؟!!
صدقيني ان التنظيم في انجاب الاطفال راح يتيح لك فرصه كأم للقيام بكل واجباتك كزوجه اولا ومربيه ثانيا
واخيرا اود ان اقول لك اختي ان كلامي هذا عن تجربه شخصيه وما تمرين به الان مررت به وما انصحك به الان قد قمت به ولله الحمد ***اتمنى اختي اني اكون افدتك وتحياتي

هلا اختي
جيبي وتوكلي على الله
رتبي وقتك وشغلك يعني اذا نام اشتغلي واستعجلي لا تصيرين بطيئه
كل شي في وقته
ولا تنومينه بعد الساعة 6 مساء
علشان ينام معك
وصحيه الصباح الساعة 10
ويحتاج لنومه ثانية بعد الظهر او العصر
وراح ترتاحين ان شاء الله

مدامك في غربه ولا عندك وظيفه ولا شغل ولا مشغله انا اقول اتكلي على الله وجيبي له اخ او اخت يلعبون معاه لانه لحاله بيشغلك اكثر لان ماعنده احد غيرك لاكن لو تجيبين معه احد راح يلهى ويلقى احد يلعب معاه وبعدين انتي الحمدلله بصحتك وعافيتك يعني بتقدرين ان شاءالله عليهم

بتتعبييييييييييييييييييييييييييييين قد ما أقول بتتعبين..جسدياً ونفسياً...بس بالأخير لما يكبرون بتلاقين عندك إخوان مرتبطين ببعض ومحبين لبعض...وقليلة بينهم مشاكل الغيرة...هذا من ملاحظتي للي نفس وضعك... لازم يكون فيه أحد يساعدك عليهم ولا لا تتهورين...


الله يكتب اللي فيه الخير

حبيبتي
تبين نصيحتي توكلي على الله واحملي لان الطفل مسكين يبي طفل مثله يلعب معاه

انا حملت ببنتي وولدي عمره 10 شهور وكان نصيحه زوجي عشان ولدي مايجلس وحيد وفعلا الان عمره 4سنوات ونص وبنتي سنتين ونص يلعبون مع بعض ومبسوطين وانا الان حامل
صحيح تعب جسدي ونفسي لكن الحمدلله زوجي متفهم ويساعدني يعني لما اكون مانمت بالليل منهم اذا جاء من الدوام يجلس عندهم ويخليني انام يعني تقدرين تطلبين من زوجك انه يساعدك وصدقيني راح تتعودين