اللي عندها اولاد بالثانوي خودي حذرك

قسم بالله قلبي متقطع ع بنت توها ساكنه معنا بالشقق
عزمتها اتعرف عليها
كان لها اخو توفى قبل سنه ونص
والولد صغير كان عمره ٢٥ لمى توفى ركزو ٢٥ يوم مات اقولكم قصته
تقولي اخوي بعد الثانوي كان ابوه متوفي
وتعًرفون اصحاب السوء خاصه ان وضعهم كان زفت
وتقول ماقبلوه اي شي صار للاسف يفحط يسرق بس اكثر شي اشتهر فيه بالرياض التفحيط
استمر يفحط ومعروف بلقب بالتويتر واليوتوب
لو اقوله لكم سطلع لكم ملاين المقاطع له صار يفتح وبيوم من الايام تقول صلح حادث ومات المعزز اللي معه
مين اللي معزز
اللي يجلس جنب السائيق ويحمسه للتفحيط
بعذ مامات صاحبه المعزز مسكوه سجنو ومده سجنه
١٠ سنين والف جلده تقول خلص ٧ سنين وهو حافظ المصحف وتايب دخل السجن اعتقد بعمر ١٨ وطلع وعمره ٢٥سنه
نقصو مدة الحكم خلوها ٧ سنين لان كان حافظ المصحف وتقول صار يصلي ويدعي الله وبار بامه وتوظف
وظيفه حكوميه شهرين بعد شهرين من خروجه من السجن
جاه صاحبه اللي معه ايام التفحيط وعلمه انه تايب
قال صاحبه
ماينفع مو عوايدنا الًواحد يعتزل التفحيط كذا
لازم لازم تاخذ شوطين بس هذاك رفض قال انا تبت
قال صاحبه لاتفحط اركب جنبي كمعزز
عزز لي وانا افحط وبنصور وبنزله ونعلن انك اعتزلت
هالتفحيط تعرض لضغوطات ووافق
تدرون وش اللي يحرق صدم فيه وماتو كلهم
صدم عامود كهرب
وكان معهم اثنين وراء لما فتحو الباب وشافو اخوياهم
ميتين سحبو عليهم وهجو
قسم بالله لي اسبوع نفسيتي زفت لما قالت لي هالسالفه
لان اخو البنت مات نفس الموته اللي ماتها خويه
قبل المعزز اللي كان مع اخو صديقتي اخوها
صدم فيه عمود كهرب ومات وللحين هو صار معزز
وصدم فيه عمود كهرب ومات قسم بالله له سنتين ميت
وامه حالتها تقطع القلب
خاصه امه محروق قلبها وتدعي ع اللي اصر عليه يركب
معه وهي كانت فرحه انه تايب تقولي بنتها
انها بجنازته تصيح عليه تقول مت قبل افرح فيك
انتبهو لعيالكم اللي بالثانوي من اصحاب السوء
هو صديقتي تقول كل اللي صار لنا بسبب اخوي
كان ماعنذه احد يقواه
ماعنذه اخوان ولا اب ولا احد يوقف بوجهه
فاستغلو هذا الشي اصحاب السوء وسحبوه
وكان ينام باستراحه وساحب ع اهله
بعذ ماطلع من السجن وعقل امه تقول حسيت
انه مو للدنيا وكان قلبها حاس انه بيموت
لان تغير١٨٠ درجه كان ينام تحت رجولها تقول صديقتي
والله ورتني وجه اخوها وهو مشخص قسم بالله
قلت بنفسي حرام هالشكل يقتل نفسه بالتفحيط
ماشاء الله جسم وجمال ورزه بالتشخيص
كانت مصورته بالعيد بعد ماتاب
ودي اقولكم اسمه تشوفون قصته كامله
باليوتوب بس اخاف ممنوع ذكر اسماء