استمرري بالعكس انتي الربحانه واحمدي ربك انك كذاا

ما شاء الله تبارك الله
الله يديم عليك الاستقار ويحبب زوجك فيك
هذا من طيب اصلك ومن تربيتك الطيبه
اولا استمري ولا تغيرين طريقتك
ثانيا ليش تمنعين نفسك من الناس لا قدهو عندك عادي كنه ولدك
واللي تسوينه بيرده لك ولا تظنينه بينسى والله يحمل لك الجميل
وبتمر الايام بسرعه وتلاقينه شاب يخدمك احسن من عيالك
وزوجك يسوي مو منتبه والا هو يراقب ويتحرى
اختي تزوجت واحد عنده ولد وبنتين وكانت تتعامل معهم بامانه وصدق
والله زي ما تعامل عيالها الان وربي العالم
كانت تذاكر لهم وتجتهد عشانهم وكانوا من الاواثل البنات طبعا
لا تبالغ بالطيبه ولا شده عادي وبعد ما جابت ولد وبنت انفصلت عن زوجها لاسباب ماديه
حسبها الله كان يبغى راتبها
طبعا انفصلت عنه قبل يدخل ولده المدرسه وما خللى مكان يسبها وانها كانت تعامل ولده بقسوه
ومن ذا الكلام الان ولده يزور اختي ويسلم عليها ويشكي لها
ويقول ما انسى يوم كنتي تسوين كذا وكذا حتى امي ما سوتها امه كانت مطلقه
والبنات هذا الصيف اللي فات تزوجوا وصاروا يتصلون فيها ويبغون يزورونها
هذا وهي تطلقت والولد ما دخل المدرسه والبنات بالابتدائي لسى
فلا تقصرين وعاملي رب العالمين يمكن ولدك من بطنك ما يبرك زيه الله يصلح لك وله ويرزقك الخلف الصالح