اللي عندها بزارين صغار كيف تنظم شغل البيت

عوديهم يساعدونك والله انا بيتي دايم محيوس الصاله اكنسها اكثر من مره ماتنظف منهم وغرفتهم الالعاب بكل جههه بالقوه يشيلونها

لما يكبرون ينظف البيت غير كذا اللع يعينك لازم لازم متابعه وراهم

قفلي كل الغرف والمطبخ والحمامات و بس بقي لهم غرفه يلعبوفيها بإلالعاب وحطي لهم تلفزيون. المهم ما تخلي كل البيت مفتوح. لأنهم حيعدموه. دولاب الملابس. سوي زي اختي جابت النجار وسوا لها مفاتيح للدواليب. وخلاص قفليهاعلى طول محد يفتحها غيرك

انا عندي 4 لما كان عندي 2كان كل شي اوكي وراضيه عن نفسي لكن من جبت التؤم تغيرت وصرت ماحب اقوم بشغل البيت واحسه ثقيل علي عكس قبل وصرت انظف تنظيف سطحي ودائما ابكي لاني احس بضغط
صحيح اولادي مايكبكبون بالارض لكن بناتي التؤم اكثر شي معقديني ينزلون اغراض المطبخ اذا لقوا حاجه قريبه كريم او صابون جلسوا يتدهنون فيه لما احط الملابس عالمنشر اجي القاهم منزلينها كلها
اكثر شي اتعب منه المطبخ نفسي اني ارجع مثل قبل اغسله غسيل كل 3ايام ابعد الفرن والثلاجه وانظف تحتهم الحين يادوب كنس وتمسيح وزياده اني ركبت لولب صرت اخاف اشيل او ادف ثقيل
كنت انزل اغراض المطبخ وامسح الادراج وارجع ارتبها من جديد كنت اتسلى بهالشي الحين يسبب لي كابوس مزعج كل ماتذكرت ان عندي اشغال وماني قادره اقوم فيها
اصلا من تعبت قبل 7سنوات تغيرت لكن بعد ماخذت العلاج النفسي وتحسنت شوي رجعت شوي شوي اهتم وانظف لكن من حملت بالتؤم قل عندي الحماس لين قبل كم شهر حسيت بانتكاسه وصرت احس كاني مربطه نفسي اقوم باشغالي لكن ماني قادره يدوب اكنس وامسح البلاط وابخر واطبخ واغسل مواعين واغسل ملابس يعني الاشياء الاساسيه
والحمدلله على كل حال

وكلنا نفس الحالة حوسة العيال ماتخلص انا عندي 4 الله يحفظهم 2 بالمدرسة و2 فالبيت كنت الصباح بعد مايروحوا عيالي ع المدرسة وزوجي ع الدوام انظف البيت كلة واغسل وامسح وارجع انام ع 9 وحيلي مهدود ومن يرجعون ماشاءالله يبهذلون كل شي 😢
كمان عيالي يحبون المطبخ ع طول يسون اندومي او يحسون كورن فكس وعدام للمواعين والبلاط
والله يهديهم ويحفظهم 😤