وانتم ليش تهتموون لكلام الناس ؟!!!
انا احب البنات اكثر من الاولاد وكلهم فيهم الخير والبركه
بس دام رب العاملين رزقك الخلفه احمدي ربك واشكريه مليووون مره والا الناس محد يقدر يسكتهااااا
لكن انتي لاتنظرين لنفسك بشفقه قبل مايشوفك الناس كذا ليش تكدرين عمرك ؟!! الولد مصيره يتزوج لاكبر ويلتهي بمرته وعياله مو مثل البنات يهتمون لامهم وابوهم حتى بعد الزواج
وهذولي الي يشوفونك بشفقه ليه عيالك مريضين لاسمح الله ولا فيهم بلا !! ماعليك منهم ولامن كلامهم وحطي هالكلاااااام براسك وردديه كل يوم وكل وقت
ودام زوجك ماعلق فأنتي بنعمه
في وحده اعرفها جابت 4بنات مثل القمر الله يخليهم لها وجلست تبكي زوجي بيتزوج علي وغثت عمرها عشان الولد وزوجها ولا على باله الولد حتى بعد ماجابته بعد البنات ماايهتم فيه زي اهتمامه ببناته ولايبي احد يسميه الا على اسم بنته الكبيره
يعني الزبده بعض الحريم هي الي تجيب الهم والغم لنفسها ...

والله يا زين البنات انا عندي ولدين واهل زوجي م يتكلمو الاانو اللي في بطني ولد
بس ما همني
بالعكس انا من دحين خايفه على اولادي من المجتمع الخارجي واولاد الحرام بس اسال الله يحفظهم ويهديهم
البنت مهما تخرج بتفضل قدام عينك
ما ادري متى نرتقي
وانو يكون عندك من الجنسين شي فطري
افتخري بيهم
انا ذا عرفت اللي في بطني ولد يارب لك الحمد عندي رجال فكلام اهل زوجي ما راح يهزني ابدا
واللي اعطاني الولد بيعطيني البنت
اهم شي الصحه و السلامه والخلقه التامه
الله يسهل ولادتي وحملي ويجعل مفي رحمي سليم معافى تام الخلق والخلقه امين

الله يرزقك بالولد البار السلييم المعافى ياررب انا امي زي كذا احنا ماشاء الله بنات وولدين بس الولد الثاني ماجاء الا اخر واحد ووالله دايم كانت جدتي تحاول تزوج ابوي كله عشان امي ماتجيب الا بنات مع ان امي موو مقصره معها شايلتها على راسها من فوق بس مابين في عينها والحين ياارب لك الحمد الله الله يرزقنا بالاخووان بس بقولك امي وش سوت كانت ملازمه الاستغفار بنية ان الله يرزقها الولد و كانت داييم تدعي الله يرزقها بالولد و وراحت حجت السنة اللي فاتت و كانت نيتها بالحجه هاذي ان الله يرزقها بالولد و طبعا لازم الواحد يعمل بالاسباب امي كانت قبل الحج ب اشهر مستمرة على حمية انجاب الذكور طبعا رااحت للدكتورة وهي اللي قالت لها عن الحمية هاذي وسببحان الله مارجعت من الحج الا الدورة متأخره عنها وطلعت حامل وصارت بس تدعي اللهم اجعل مافي بطني ذكر و يارب لك الحمد فعلا الله رزقها بالولد بعد بنات وولد واحد ربي رزقها بالثاني مااشاء الله تبارك الله

دامك فرحانة ببناتك لايهمونك الناس وخل يتكلموا مثل مايبون ..

انا عندي بنت وحدة واتمنى احمل ببنت ثانية وماعلي من حد واصلا لو وحدة تعلق ماراح اسكت الها ..

أنا امي يوم اتزوجت كم سنه ما خلفت طبعا فيه السنين شافت الويل بالذات انها وحيدة أمها وصبرت ودعت وربي رزقها بي اول بنت وبعدها كمان بنت وبنت خالتها اتزوجت وجبات ولد وصارت تعاير امي معايرة عشن هي معه ولد وربي الي موزع الأرزاق امي جابت ثلاث اولاد مشالله بعد البنتين وهي ربي رزقها مشالله بسبعة بنات بعد الولد وفي النهايه صار عندها بس ولدين وامي خمسه اولاد ،،،في ناس مافتكر والاتفهم المفروض يطلبوا البنت الصالحة والولد الصالح ايش الفائز لو عندها عشرة عيال ومافيهم خير ،،،ممكن لو بنت وحدة وصالحه والله تشيل أمها على رأسها ،،،،الحمدلله بس