انا اليوم سويت سونار 
وقالوا بنت 
وعندي بنات من قبل 
صراحه تمنيت انه ولد وعشت احلام 
ودعيت بكل وقت انه ولد 
وكنت حاطه احتمال انها تكون بنت 
وادعي ان ربي يحط بقلبي محبتها ويعطيني الرضا 
اذا صارت بنت 
بس من قالت لي وانا منهاره مدري ليش حسيت اني ضعيفه 
مو قادره اقتنع ان هذي اقدار ومكتوبه لنا 
ومتامله ان الدكتوره ماشافت العضو 
وبرجع ادعي وادعي انه يكون ولد 
يارب مايكون هذا ضعف ايمان 
ويارب يرزقني بالولد دعواتكم لي 

يا اختي وسعي صدرك وطنشي انا عندي بنتين وفي بنتي الثانيه تعسرت ولادتي وتحولت لعمليه وصارت لي مضاعفات واول ما طلعت للغرفه جات ام زوجي تقول جينا نركض لمن قالو ولدت واثاريك جبتي بنت وطنشتها ولمن صارت تعيد الكلام قلت لها ليه ما جبتي بدال بناتك اولاد وليه امك جابتك بنت وتسكت  طنشي وخلي ايمانك بالله كبير لان ما يجي من الله الا الخير ارضي باللي ربي اعطاك وربي بيراضيك 

الله يرزقك بالولد الصالح المتعافي ياارب 

طنشي حبيبتي
انا عندي ولدين مو واحد و عندي بنت الله يحفظهم
وحامل و وحدة لما سألتني ماعرفتي الجنس قلت لها اﻻ قالوا لي بنت وانا فرحانه ومبسوطة الا قالت شدي حيلك و اولدي واحملي بالولد كنه بكيفي اتنقى واتشرط على ربي ناس ما يملى عيونهم اﻻ التراب و وحدة ثانيه قالت سويتي زي امك تعادل بين البنات واﻻولاد طيب شفيهم البنات مو انتم كنتم بنات و اﻻ كنتم ذكور وقلبتوا
انتي طنشي وﻻ تحطين ببالك و اللي بيتبع الناس بيضيع ربي كاتبلك خلفتك من بنات وعيال و كل شئ بحياتك باللوح المحفوظ وربي يفرحك بتوأم عيال بالقريب العاجل يارب

الحمد لله عندي ثلاث بنات ماشا الله 
وبكل مناسبة وعندي وعند غيري اشوفهم اميراتي 

اتمنى الولد لأني أطلبه من رب كريم وهذي طبيعة البشر 


أأنت يا حبيبتي غيري فكرك عشان الناس ينتقل لها نفس شعورك ... ولا تقولي لا انا احبهم وكدا لأنه شي مفروغ منه بس ليش تخبينهم عشان كلام الناس 

الحمدلله فكل مكان احس الناس تنظر لي نظرة اني بنعمة الله يحفظهم لي ويفرحني فيهم زي ما اتمنى 

الله يحفظلك بناتك يا قلبي وعقبال ما تفرحي فيهم ياااارب وربنا قادر يرزقك ذرية اولاد صالحين حافظين لكتابه
بس صدقيني الوحده ما تسلم من كلام الحريم انا عندي بنات وولد واحد ذبحوني الناس خصوصا المقربين كل ما شافوه معايه قالوا ها ما راح تجيبيله اخو لا تخلينه كذا وحيد قلت ليش وحيد اسم الله عليه ابوه وامه وخواته واهله ماهم عزوه شايفينه مقطوع من شجرة شي يقهر قسم بالله لدرجة من كثر ما يسمع هالكلام صار هو يقولي ماما جيبيلي اخ ولد العب معاه
الحمدلله على عطايا الرحمن مل شي مكتوب من الله للمؤمن فيه خير له