والله كلامك في الصميم
ويعلم الله اني ما ني متهاونه في حجابها....هي باقي شكلها وجسمها صغير
وأنا ما عندي حجاب عادي ..عباية على الرأس وغطاء ساتر بمعنى ساتر
وهي كذلك تريد اذا تحجبت وتقولي خليني اتغطى من ثاني متوسط وانا ماني راضية لا أنا ولا ابوها
بس ما أبغى اجبرها ...اتمنى يكون منها هي وعلى قناعة تامة منها...
لكنى راح اوعيها اكثر ..واشكرك على الرد ..جعلها الله في موازين حسناتك

لله يكثر من أمثالك أختي ويهدي بنيتك والله فرحت من حرصك على حجاب بنتك وهي صغيرة
مقارنة باللي نشوفه الأم حاطة اللثمة وبنت الثانوي كاشفة وجهها

المهم جربي مع بنتك أسلوب التشجيع والهدية

جميل منك ان تفكري بالأسلوب ويدل هذا على تميزك .. وكان المفروض انك تهيئيها للأمر من قبل .. لكن حصل خير .. وسامحوني يا أخواتي لأنه الإجبار والقسوة يزيد الرفض والعناد .. ولازم نتعلم نهيئ نفسنا وأبناءنا لحب هذا الأمر حتى ما يكون في داخلنا رفض ولا 1%.. عادة بعض البنات أول البلوغ يكون شكل جسمها صغير و فيها بقايا طفولة ويمكن لو غطت وجهها راح تلفت النظر أكثر ..أهم شي انك تزرعي الثقة في نفسها إنها تكون الأولى بين زميلاتها وإنها أحسن منهم وقدوة لهم .. والتدرج في الموضوع يعني أختي مع بنتها الله يحفظها كانت أول شي تعلمها المشي بهدوء واتزان .. والتكلم بصوت منخفض .. وعدم الضحك بصوت عالي .. أو النظر في وجوه الناس .. وعدم التعطر.. هذه الأمور قبل ما تغطي وجهها .. بعدين بالتدريج يعني تتدرب على الموضوع حبة حبة .. أذكر أختي الصغيرة في نفس عمر بنتك .. وكلنا حولها غطي وجهك وخوفناها .. وأذكر إنها غطت وجهها لكن تجري ورا أخوي الصغير بوسط الشارع .. وهاتي أنواع الطيحات قدام الناس (كان شكلها كأنها رابع ابتدائي ) والله كنت ارحمها ولمن اتذكرها أحزن عليها..انا من رأيي انك تهدي لهاهدية حلوة ومعاها عباية جديدة وساترة .. وتخلي أبوها يشجعها أكثر ..وبينيوا لها ان الكل راح ينظرلها باحترام وتقدير ... لأنها أرضت ربها وأطاعته .. وإياك والقسوة عليها .. البنات في هذا السن حساسات جدا ..

حجبيها واستمري في اقناعها لكن لاتتركينها

نقاءروح
اشكرك ياغالية على ردك

همتي بديني
مشكوره حبيبتي وفكرتك مره حلوه ...جزاك الله خيير


أم اسامةوأسماء
كلامك جميل جداً ..والله اني استفدت من طريقة أختك..ما شاء الله أسلوب رائع
وفكرة الهدية نفس فكرة الغالية..(همتي بديني ) جداً رائعه..وبروح طيران على السوق اتفنن لها بالهدية
مع العباية.......الله يعين ...ويهدينا على طاعته ورضاه.....
وجزاك الله خير وكل من رد علي...