اللي عندها تكيس ونزل وزنها ( تم دمج المواضيع المتشابهه)

معقول الوزن ماينزل مره لو الوحده عندها تكيس؟

انا عندي تكيس وفعلا لاحظت نزول وزني صار جدا بطيء

ياريت البنات يقولون لنا تجاربهم

يا سبحان الله اول مره اعرف انه ياثر على الوزن
ان شاء الله البنات يفيدونك

بنات انا سمعت ان الي عندهم تكيس يوصوفون لهم حبوب جلوكوفاج
الي يعطونهم مرضى السكر وهم ينزلون الوزن ويمنعون التكيس هذا الي سمعته وانتو بعد اسالو

والله يرزقكمواختي
الذريه الصالحه

هلا ياعسل انا واللة كان عندي تكيس واكياس على المبيض من سنة وشهرين تقريبا عملت عملية المنظار وشلت الكيس اللي على المبيض بس طبعا التكيس ماينشال بعملية لانة داخل المبيض اذا ماراح من نفسة ,,

وبعد شهرين بديت برجيم دشتي ونزلت نزول عجيب وبسرعة ماشاللة لا الة الا للة وبدون لا احس لان رجيم دشتي مرة مريح ولا كانك تعملين رجيم يعني تروحين مطاعم وتاكلين مع الناس مو زي الرجيمات الثانية بالبداية كان وزني 86 وقالي الدكتور اني لازم احاول انزل وزني علشان مايرجع الكيس وعلشان يقل التكيس لاني عندي ارتفاع بهرمون الذكورة,,
واللة بعد شهر او ثلاث اسابيع وصل وزني 78 وثبت مارضى يتحرك بس واللة اللي يشوفني يقول ناقصة اقل شي عشرين وكنت على فكرة اتمرن ساعة على الاوربت تراك وارقص شرقي ساعة
والحمدللة ساعدني كثير ولا ترهل جسمي مرة

بعدها وقفتة فترة وصرت اكل عادي بس احاول كثر مااقدر ابعد عن الحلى واستبدل السكر العادي بسكر دايت بس ماكنت اسوي رياضة ابد كانت نفسيتي لك عليها مومرة ف ماصرت اركز بشي بس الحمدللة ضل وزني ثابت يعني مازاد ابد اللهم لك الحمد لاني ماكنت مخربتها مرة

بعدها قلت لازم انزلة مابي اضل ثابتة على 78 بعدها جربت التمر واللبن اسبوع ونص تقريبا ونزلت لحد 73 بس مااستمريت بس ظل فترة ثابت الحمدللة بس باجازة الربيع رحت لاهلي وامي انواع الطبخ والحركات اللي تفتح النفس خصوصا مع طلعات البر والجمعات خربتها وانا اختك ويوم رجعت اوزن لقيتة 78 مرة ثانية بس على فكرة هذة على فترات متباعدة خلال السنة اللي طافت..
وكان موعدي قريب مع الدكتور قلت خليني اخفف شوي وسويت رجيم العنب خمس ايام تقريبا ونزلت 75 يوم موعدي اللي هو كان يوم 26 فبراير 2007 ومن يومة قررت اني انزل زيادة لحد مااوصل للوزن المثالي وعلى فكرة انا من شهر 8 اغسطس اللي طاف وانا اخذ حبوب الديانا 35 لمنع الحمل لانها تنظم الهرمونات والدوره...ومن هذاك اليوم وانا على رجيم التمر والزبادي مرة ثانية يعني اسبوعين ورياضة ساعتين يوميا 30 دقيقة احمي بعدين افر على الاجهزة بالنادي بعدين ارجع امشي 60 دقيقة..

والحمدللة قاعد ينزل وتقريبا وصلت 70 خلال هالاسبوعين بس من جد نزولي صعب مقارنة بزمان اتذكر يوم كنت بالثانوية مرة سويت رجيم وقتها كان وزني 65 وسويت رجيم اسبوعين واللة صار وزني 54 بس امشي ساعتين بس الانسان كل مايكبر تقل نسبة حرقة للسعرات الحرارية وزيادة على كذا صار عندي التكيس,, الحمدللة على كل حال

زبدة الكلام لاتستسلمين حاولي وتحلي بالصبر وحطي ببالك انك عندك مشكلة معينة تمنعك نزولك السريع وانك كل ماتاجلين الموضوع لبعدين بتتعبين اكثر وبتحتاجين جهد اكبر بعدين علشان تتخلصين من الوزن الزايد لان الكيلوات الزايدة بتكون اكثر..

وسلامتك ادري اني هذرت عليكم كثير بس واللة حاسة فيك لاني مريت بنفس المعاناة خصوصا اذا كنتي تفكرين تحملين ومشغل بالك الموضوع ونفسيتك تعبانة ,,

تحياتــــــــــــــــــــــــــــــــــــــــــــــــــــــــــــي

طيب خواتي الله يسعدكم الكيس الواحد اللي على المبيض نفس التكيس ولا يختلف ؟

لاني عندي نفس المشكله