اختي انتي شكلك زي حالتي عيالك ما شاء الله ما يحافظو على ترتيب المكان والله العظيم والله مرة امي جات عندي قالتلي انتي رح يجيكي السكر جيبي شغالة شافتني كيف تعبانة وعيالي هايجين وبس يكسرو ويرمو المخدات على الارض ويكسرو العابهم لكن انا حالفة ما اجيب شغالة لاني خلاص ماني طايقتهم ولانه عيالي كمان لازم يتعلمو النظام وعلى شقاوتهم الحمدلله اخترعت طرق خلت البيت نظيف طول الوقت ومسيطرة على الوضع تمام خصوصا ما احب تجيني كلمة من زوجي اللي احلى شي عنده انه ينتقد:mad:
طريقتي عملية للي مو قادرة تسيطر على التنظيم وعيالها خارجين عن السيطرة بشكل مو طبيعي هههههههههه عشان كذا حتلاقي طريقتي عبيطة لكن مرتاحة عليها ومستحيل اغيرها الا بعد ما يتغيرو عيالي ويسيرو هادئين
انا ولدي سنة ثالث ابتدائي وبنتي عمرها 3 سنين ونص وحقولك نظامي بالتفصيل الممل
=اول شي حاطة سلسلة للمفاتيح لابساها ما افصخها الا وقت النوم وملونة المفاتيح بالمناكير خخخخخخخخخ لكل غرفة لون
=اول ما اقوم من النوم اشغل سورة البقرة في اللابتوب وارفع الصوت واقوم اصحي ولدي احممه والبسه وافطره فطور صحي وسهل تحضيره اهم شي ما ياخد وقت غالبا اكون عاملة كب كيك من الليل اطلعله قطعتين مع كباية حليب بالعسل وبعد ما يفطر اراجعله ولمن يروح المدرسة اقوم اصحي بنتي وافطرها اسهل فطور ومفيد جدا اعتمديه لعيالك وهو كاسة حليب بس الموية تكون مغلية وحطي عليها ملعقة عسل واربع ملاعق شوفان كويكر وحركيه وغطيه الين يسير دافي بعدين فطريهم مرة يحبوه الاطفال لانه لذيذ وسهل تحضيره لك وكمان مفيد جدا وبعد ما تفطر اشغلها افلام كرتون
=ادخل المطبخ الللي اصلا نضيف من الليل اطلع اشياء الغدا واقطع الخضار واحط البصل على النار واحب اسوي الخطوات هذي بدي عشان انظف المطبخ اول باول وهذا الشي ياخد وقت لانه لو بتطبخي بسرعة بتفتحي عيونك تلقي المطبخ دمار شامل لكن انا اطبخ واحاول يكون المطبخ نفس الشكل ولا شي طايح هنا ولا قشرة خضار قدام عيني وبعد ما اخلص الكشنة اغطي القدر واطلع من المطبخ على ما تسيح اللحمة وتكون الساعة صارت 8 الصبح
=ادخل الحمام ما اغسله الصبح لا بس المعه وامسح البلاط كله بالبخاخ استعمل داك بريحة الفل العربي يجنن مرة حلو حاطة منه في بخاخ بس الداك اكثر من الموية ابخ وامسح والبلاط كمان مسح واطلع على طول على بنتي اهددها لانه طول الوقت اللي انا مشغولة فيه تكون الاخت مشغولة تخرب البيت كالعادة بس اخت زوجي مرة قالتلي ليه ما تحطي شطة في فمهم ما تضرهم بس يتادبو ههههههههههه انا ما حطيت الشطة بس سرت اهدد بيها لو رميتي شي بجيب الشطة ههههه
=وعندي حركة عبيطة جدا لكن ريحتني جدا جايبة سبتات لكل غرفة سبت ورا الباب عشان وانا انضف من كثر ما عيالي يرمو على الارض الاقي اشياء ممكن اقعد واقفة خمسة دقايق بس عشان اعرف الشي دا فين اوديه بس سرت ما افكر قربوعة مالها مكان ارميها في السبت السحري وكذا بسرعة خلال 20 دقيقة اللي احددها لنفسي الغرفة تلمع وفيها سبت مليان قرابيع خلاص اقفلها وانتقل على غرفتي انا
=غرفتي اترك السرير لانه كذب ارتب وانا بعد شوية بنام ثاني هههه ارتب التسريحة والارض وارمي الملابس اللي تبغى غسيل بالسبت اصكها بالمفتاح عشان لاتجي بنتي تتمكيج قولي على الغرفة السلام
=اطلع اكافيء نفسي بقعده على النت على ما يفك الالم اللي جا في ضهري خخخخخخخخخخ
=خلاص ضهري ارتاح اقوم ارتب الصالة اخلص الصالة ادخل ارتب غرفة الجلوس وما انسى اهدد بنتي ههههههههههه
= اجيب المكنسة افكك الغرف كلها اكنس واكنس الصالة وارجع اصككها بالمفاتيح
=اكافيء نفسي بجلسة على النت يختي لازم ادلع نفسي
هنا يكون الوقت قرب على 10 اقوم المطبخ اعمل الغدا وبس يخلص اطفي على القدر وطبعا الغدا اخليه ايدام عشان يكفي لتاني يوم لاني ما اطبخ كل يوم لا يوم ويوم
= يكون قرب الظهر ابخر بيتي اللي سار يلمع خلاص وادخل اخد شاور وبنتي تكون نعسانة ندخل ننام يجي زوجي من العمل وولدي الغدا جاهز خلاص يغدو نفسهم بنفسهم لاني نايمة وانا اكون مهددة لو صحيتوني سوف اكسر المنزل على رؤووسكم انا مو آلة ولا انا جارية اشتروني بفلوسهم ادمية لحم ودم واللي ما يبغى يفهم لا يفهم انا كذا خليكي زيي سوي اللي عليكي بس مو على حساب نفسك وبعد ما يتغدى ولدي يدخل ينام ساعة
=اقوم الساعة 2 من النوم اغسل صحون اللي اتغدو فيها واجيب شنطة ولدي ونبدا مشوار العذاب مع مذاكرة ولدي ااااااااااااااااه بس اااااااااااه ولانه ينحل قلبي نحل المذاكرة هذي مارح تخلص قبل وقت نومه اجيب السبت حق القرابيع افرزها وارتبها وارجع كل شي مكانه الاصلي وارجعه لغرفتهم فاضي خلاص يستنى دمار جديد
= على المغرب اعطيه بريك من المذاكرة ويدخلو غرفتهم يلعبو وانا اسويلي اي شي
=خلاص غرفتهم عدموها نرجع للمذاكرة وبنتي احطلها دفتر تشخبط فيه
=جات الساعة 8 كله يلبس بيجاما وياكلو وغسيل اسنان وعلى غرفتهم ينامو احكيهم حكاية واخلي نصها معلق لو نمتو على طول بكرة اكمل الحكاية
=نامو الحمدلله انا اقوم اشغل غسالتي اغسل ملابس وادعك الحمام بصابون وكلوركس واشطفه على ما الغسيل يخلص
=الغسيل اللي نشف خلاص بعدين ابدا من غير مكوى اطبق واعلق لانه اصلا حتى لو كويته حرجع اكويه لانه ما احب اثار التطبيق في الملابس فماله داعي اكوي مرتين
في الليل اقعد مع زوجي نتفرج تلفزيون ونروق وبعدين اخد رواية وادخل اكمل سهرتي في غرفتي اقرا الرواية الين ما انام ما احب انام من الهدة احب انام نومة مهنتكة مو نومة تعب ههههههههههههههه
=اقوم الصبح اشغل سورة البقرة في اللابتوب واروح اصحي ولدي وتيتي تيتي زي ماروحتي زي ماجيتي هههههههههههههههههههههههه اهم شي انه هذا روتين خلاص عودت نفسي وزوجي وعيالي عليه وارتحت نسبيا اول كنت اطارد الهوا اجري زي المجنونة ومني عارفة ليش البيت وسخان بس الروتين هو السر

يا حبيبتي اقول لك شي مهم ..........((((( الزمي الاستغفار))))
انا مثلك ما عندي شغالة بس عندي طفلين ...... البنت عمرها 5سنوات والولد عمرة سنتين ونصف لكن الحمدلله احاول انظم وقتي وازم الاستغفار خاصة اذا تعسرت علي الامورما تتصورين كيف تنحل بعدها
تراكي في نعمة وانتي ما عندك شغالة

برافوا عليك ام عبودي بس عندي لك فكره بدل ماتدلعين نفسك بالنت نامي شوي قبل يجي زوجك في غرفه مايكون فيها اغراض وخلي بنتك تشخبط في دفترها واذا جاءزوجك تغدي معه (مجرد رأي)

انا ماعندي بيبي


لي سنه متزوجه


ادعولي


لكنه عندي ازمه ابي احد يشجعني مالي خلق اتحرك

مشكورين خواتي على مروركم وآسفه تأخرت بالرد

إحساس الغريب اتطلعت على ملف السنعات واتمنيت انظم معاهم بس ما أقدر ألتزم إني أكتب يومياتي
ومشكورة على الرابط استفدت منه

الملكة الرومانسية : الله يرزقك الذرية الصالحه عاجلا غير آجل.. وأطفالي كلهم صغار ما دخلوا المدرسة وبانتظار أفكارك القيمة .

مافي أسماء: **fofo**: فعلا الله يكون بعون الجميع.

أميرة قلبه وروحه: أنا بالنسبه لي عادي إذا قصرت في أي شي في البيت ماعدا زوجي وعيالي
عيالي أرحمهم وزوجي أخاف يضيع مني.

عسل بس قليل الدسم: ما شاء الله على زوجة خالك الله يحفظها من العين .. بس هي عيالها كبار وأنا معاك في قومة الصباح بس تنفع للي تشبع نوم بالليل بس في حالتي أبدا ما تنفع..

داريييين: مشكوره حبيبتي على نصايحك والله يكون بالعون.


غراس الجنه: amirahasan: اللهم آمين