اللي عندها حريم اخوان ........

:01:

بصراحه فيني قهر وابفشه فيكم .. يمكن قنبله وودي افجرها :19:

:42: لا تخافون انا ودي افضفض واسأل اللي عندها حريم اخوان

لاني مقهوره من حريم اخواني ما يقدرون احد تصدقون امس عند اهلي عزيمه ولا فيه الا امي هي اللي تصلح العشاء ومرت اخوي في البيت ما ساعدتها بشيء
ولما جيت ينتظروني ( حريم الاخوان ) اني اصب القهوه والشاهي لكن معصي هذاك اول واللحين لاااااااااااااااااااااااا وش حضرتهم كل مره انا اللي اصب واقلط العشاء وهم يطالعون بعض ويتفنجلون وللمعلوميه معي بزر يصيح مكثرمن صياحه ولا احد يرحم
ولا عندي شغاله
والحاله مستمره دائما هم ضيوف وانا وامي واخواتي المتزوجات المضيفون حتى اللي عند اهلي ساكنه تسوي مثلهم تتفنجل
والقهر اني عند اهل زوجي ما في شيء اسمه ضيفه لاااااااا لازم اساعد ولا ياويلي لو من زوجي ينتقدني وانا بطبعي حساسه ماحب احد ينتقدني


المشكله هي :06: امي وابوي

يزعلون اذا صرنا نطالع حريم اخواني ويقولون لا علشان خاطر اخوانكم لازم تراعون خطر حريمهم

ودائما يركبون الحق علينا ويبونا نعزمهم وهم ماقد عزمونا ولا حتى يجون لنا الا اذا عزمناهم والمعروف ان الحق للمره

والمضحك واللي يقهر فيه وحده منهم عزمت اهلها وبيتها صغير حطت العزيمه عند اهلي وجت ضيفه ما جابت معها شيء وجايه اخر الناس ومتشخصه واحنا انا واخواتي المضيفون

والله انقهر لاني اشوف اخوات زوجي هم الضيوف دائما ولا يساعدونا في شيء اذا صرت في بيت اهل زوجي والعزيمه لي والله اني انا اللي اساعد فيها والمفروض اني انا الذبيحه علشاننا يعني ضيفه لا استحي واشتغل معهم ولا اطالع اخوات زوجي بالعكس هم ضيوف على طول

غثيتكم ماعليه تحملوني بس ودي تعطوني حل حلو معهم لاني مابي امي تشتغل عنهم ولا اننا نكون نخدمهم وهم ضيوف على طول الخط ليه ؟؟؟


وللمعلوميه احنا ما نجي اهلي دايم يعني كل اسبوعين مره يعني خفاف


:13: انتظر الرد