انا عندي مشكلة بسيطة معى امي بس للاسف ما لقيت لها حل
الله يسلمكم امي على خلاف مع ابوي وانا ما الومها لاني اعرف ان ابوي الغلطان لكن انا ما بيني وبينه مشاكل فلما كانت فبداية خلافاتهم كانت فخلاف معاي لاني ما كنت ضد ابوي بل كنت معاه ولما يتراضون ترضى علي ولما يزعلاون تزعل علي لاني كنت مع ابوي ,,,بس الفترة الاخيرة امي كانت على خلاف معاه وانا عرفت ان ابوي صج ظالمها و فنفس الفتره ظلمني وصارت علاقتي معاه سطحيه وزادت علاقتي بامي وايد فهالفتره بعد مده اهو حس اني خذيت موقف منه وجا واعترف انه غلطان ووعدني انه يتغير انا ما قدرت اسوي شي الا اني اسامحه لانه فالنهاية ابوي وحسيت اني بكون مرتاحه اذا سامحته ,,, فسامحته ورديت اتعامل معاه عادي لكن امي تغيرت علي لاني صرت اوكي معاه صج انها اتحاول انها ما تبين انها متضايقة لكن واضح عليها وعلى تعابير ويها,,,,,انا شسوي ما اعرف شلون اتصرف انا مابي امي تتضايق مني ومابي اني ما اكلم ابوي لاني احبهم ثنينهم حاولت اني اكلم امي افهمها موقفي ما فاد ,,,, الي عندها حل لا تبخل علي
بنوتة كوول @bnot_kool
عضوة نشيطة
يلزم عليك تسجيل الدخول أولًا لكتابة تعليق.
نوره لاتقولون لا
•
الله يعينك موقف صعب بس كذا الأمهات يصيرون حساسات يبون عيالهم في صفهم وقت المشاكل حتى لو ضد أبوهم ادعيلهم الله يصلح حالكم
مشكورة على الدعاء اختي نورة لا تقولون لا <<<<بخصوص اسمج يتني لقافه قويه خاطري اعرف شسبب التسميه الغريبة:laugh2::heart:
الصفحة الأخيرة