طيب كم رواتبهم الفلبينيات

انا شفت خدم كثر شعر راسي كل الجنسيات و كل الأديان ...ابشرك كلهم :01:قرف........المهم هو التالي:

1- المعاش يكون مثل اللي متفق عليه و بالوقت المناسب (كل شهر) ما تتأخرين عليها.

2- المعاملة الكويسة لا المايعة حتى لا يطيح التكليف او لا تكون حازمة شدي و ارخي.

3- اشتريلها لوازمها مثل الشامبو و مزيل العرق و اي شي تحتاجه بالعقل يعني مو حاجة زايدة و انا اجيب نودلز و توست و زبدة الفستق و مربى للفطور و اذا تحب حاجة مو مكلفة و لا هي امر و لا تتمنينين عليها سوي هالحركات عادي ما كانة شي مخصوص.

4- اذا كانت مسيحية لا تلزمينها بلبس معين قوليلها على راحتك لكن لازم يكون بلوزة طويلة و بنطلون مش ضيق طويل و اذا انتي في السعودية علميها تلبس العباية حق برة....انا مش من السعودية لكن اذا رحت السعودية حتى لو طايفة بالبر البسهم عباة و اقولوهم (يا ويلكم من المطاوعة):Dكله و لا بلد الحرمين:33:

5- لا تكلفينها اكثر من طاقتها و حاولي تقسمين الشغل على ايام...على حسب مساحة بيتك. مثال انا اقولها الطابق اللي تحت و المطبخ كل يوم تنظيف لكن الغرف 3 ايام في الأسبوع تنظيف عميق و الباقي ترتيب السرير و ازالة الزبالة اعزكم الله و ترتيب الملابس اللي برة حقة العيال و حمامي مثلا ثلاث مرات في الأسبوع لأني احافظ على نظافته و عندي طابق ثالث ما نستعمله كثير اقولها مرة او مرتين في الأسبوع.وهكذا انتي تعرفين شغل بيتك يعني لا تخلينها تسوي البيت كله كل يوم حتى لو كان صغير فيه ناس ما يطيقون يشوفون الخادمة قاعدة لا حرام ...لازم على طول نتذكر الأيام اللي نضطر نشتغل في البيت محد يساعدنا كيف نتعب و هو بيتنا.

6- اذا طلبت جوال خلها تجيبه من معاشها و قوليلها انا اثق فيكي انك رح تستعملينا بس حق اهلك وقوليلها انك ما تسمحين بمكالمات داخلية....انا ادري انة كلة يطلع خرطي و ماراح تسمع الكلام لكن علشان اذا صار شي تقوليلها انن هي الغلطانة و تهديدينها بمصادرته...(لأنهم بيجيبونه بيجيبونه رضيتي او لأ...خلي قدامك الكلام احسن من وراكي)


7- علميها برنامجها من الأول و ما في مانع تفكرين فيه قبل لا تجيبينها علشان مو كل يوم تطلعينلها بشي جديد:o

8- حاولي تحترمين وقت نومها و مهما كنت بحاجتها لا تنادينها بعد ما تدخل غرفتها الا في حالة الحريق:p لا سمح الله اهم شي وقت راحتهم هاذا يقدرونة لك.


9- لا تسلطين العيال عليها و خليهم يحترمونها...و اقتصي منهم قدامها علشان ما تنتقم هي لحالها ( عاد مو ضرب لأ....كلميهم شوي يعني بعنف تمثيلية بس علشان اللي في قلبها شوي يخف)


10- طلعيها معاكي في الأجازات مش دايما لأ.


أحذرج من التالي:

1- لا تخلينها تروح بيت حد عندة خدامة كثر ما تقدرين( صراحة انا سويتها) الخدم يخربون بعضهم و اذا اضطريتي خليها مع الطفل قدامك و ما عليكي من صديقتك قوليلها ابغى الطفل قدامي...(صديقتك ما بتجي تخدمك لما الخدامة تخرب و تسوي مشاكل)

2- حاولي ما تخلينها في المولات مع العيال ( طاااااااااااااااااامة كبرى) الحل : يوم المول حق العيال تنازلي و كوني معهم اولا احفظ لهم من الخادم و اذا مليتي مو شرط ننام في المول ساعة او اثنين تكفي...واذا انتي بتروحين مع الزوج او خواتك او صديقاتك خلها طلعة لحالها مو لازم تاخذين العيال البيت احفظ لهم و لها.


النصيحة الذهبية:

لا تعتمدين عليها و تخلين الحبل على الغارب اولا رح تمل و تبدى المشاكل حاولي تحطين يدك معاها خصوصا العيال حاولي اختي و خصوصا العيال لا تسلمينهم لها اولا انتي راح تندمين على هاليالي اللي ما قضيتيها مع عيالك و الله يا اختي اتمنى الدنيا ترجع فيني و ما اكون عطيت خدامة حد من عيالي يا ريتني ابوسهم و احضنهم لأنة يا اختي بسرعة بيكبرون و ما تقدرين تسوين حاجات كثيرة معاهم.


ارجو اني افدت و استفدت..........................وسامحيني على التطويل:35:

ريومه 2000كلامك كله صحيح 100%
وهذ انضامي مع كل الخدم الي جاوني
مشكوره عزيزتي

نصيحه اذا تبغين راحت البال اطلبيها ريفيه وما سبق لها العمل تجيك مره ترضى باي شي تقولينه لها ومو متشرطه زي الي سبق لهم العمل ولا الي من المدينه يكونون مفتحين ويبون كل شي اللبس والجوال والله يوفقك ويطيحك ببنت حلال