اللي عندها خبرة بالمحفظة و مراقبة الأسهم تساعدني؟؟

شوفي يالغاليه انا فتحت محفظه من زماااااان من كم سنه وهذيك الايام ممكن تفتحي محفظه بأي مبلغ عندك
انا فتحتها في الفرنسي ....
بس الحين صار لازم مبلغ معين عشان يفتحولك محفظه .. كل بنك محدد مبلغ غير عن البنك الثاني
يعني مثلا في بنوك تفتح لك محفظه بـ خمسين الف ريال ....
المهم : انتي حسابك في اي بنك ؟؟ روحي للبنك اللي عندك فيه حساب وقولي لهم بفتح محفظه للأسهم
وهم راح يقولوا لك المبلغ اللي لازم يكون في حسابك عشان يفتحوا لك المحفظه
مو مشكله حتى لو طلبوا منك مية ألف
ليه ؟؟؟ لأنه حتى لو ماعندك هالمبلغ ممكن تتسلفينه من اي شخص وبعد ماتفتحي محفظه وحساب استثماري ...
وتسوين تداول عــ النت ... تقدرين تروحين تسحبينه
وتتركين المبلغ اللي تحبين عشان تشترين فيه اسهم
طبعا لما يفتحوا لك محفظه راح يعطوكي رقم حسابك الاستثماري .. والحساب الاستثماري هو اللي يحطون فيه المبلغ اللي ياخذونه منك
وراح يعطوكي رقم المحفظه ... وش هي المحفظه ؟؟ هي اللي لما تشترين اسهم تنحط الأسهم فيها
يعني الفلوس في الحساب الاستثماري والاسهم في المحفظه
ولما تبيعين كل الاسهم راح تلاقين المحفظه فاضيه والفلوس رجعت للحساب الاستثماري

وعلى فكره ... الحساب الاستثماري غير عن الحساب الجاري .. اللي نسحب منه من الصراف
كل واحد فيها له رقم
وبالنسبه للنت .... انا عندي تداول الفرنسي ...مااذكر كيف سويته بس انتي اسأليهم كيف تسوينه
اذكر اني سويته من البيت .. يقولون لك حطي يوزر نيم وباسوورد .. وتصيرين لما تدخلينها على طول تفتح لك صفحه فيها المحفظه والحساب الاستثماري .. واكثر عشره اسهم طلوع واكثر عشره اسهم نزول وكل شي تبينه ..
انا انصحك تجربي الفرنسي لأنه سهل مررررره

http://www.alfransi.com.sa

https://www.fransitadawul.com.sa/bsfsitear/index.jsp

واي سؤال انا حاضره
(تبغاك تدعين لها )