اللي عندها خبرة بمحلات الملابس الجاهزة تدخل (بنات عمان والإمارات)

هلا والله اختي..
اول شيء الف الف مبرووك يالغالية ..
وثاني شي بالنسبة للصياحية مافي احلى من الجلابيه المغربية او جلابيه كويتية تكون فخمة .. انصحج لا تلبسين فستان .. لانه في كل مناسبة بتنعزمين فيها مثل عرس وغيره .. بتلبسين فستان ..

وبالنسبة للاسواق.. انا قدر افيدج في اسواق بوظبي.. واذا بغيتي دبي خبريني..
المهم في بوظبي عندج مارينا مول.. عندج زارا.. فوريفر21 .. برمود.. هذيلا للبس اليومي من تنانيير وقمصان وغيره .. اذا تبين شيء ارقى عندج في نفي المول محل SAVE THE QUEEN .. طبعا تحصلين محلات الاحذية مثل الدو .. ناين وست.. ومحلات قمصان النوم مثل لاسينزا .. نعومي.. WOMENS SECRET .. وفي محل في الطابق الثالث يبيع قمصان نوم حلوة وحركات للمتزوجات ..

عندج بعد بوظبي مول.. فيه كل الي تبينه .. وبتحصلين بدل حلوة عند مانجو .. والجعيدي .. وانوته .. طبعا اكثر محلات المول رووعه ..

امم عندج مركز فتوح الخير.. فيه ماركس اند سبنسرس .. تحصلين قمصان نوم حلوة .. وعندج اوريجيم حلو وتحصلين فيه بدلات حلوة ..

امم هذا الي في بالي الحينه .. واذا بغيتي اي شي ثاني حددي.. وان شاء الله بقدر افيدج ..

وعلى فكرة السوق منزل هاليوميين بضاعة يديدة :)

الله يوفقج يالغلا

وبنت دار زايد دومها ما تقصر ما شاء الله عليها ربي يعافيها :)

والله يوفق الجميع

والسموووحة

الله يبارك فيك عيوني ما قصرتي.. بس عندي استفسار عن المغربيات ممكن توصفيلي مكان أشتري منه حال الصباحية ويا ليت من الشارجة لأني ناوية بإذن الله أروح هناك عشان أخور ملابسي،وبعد طلب ثاني (صراحة مستحية منك)لكني أدعو الله يوفقك ويزيدك من فضله أريد محلات الملابس الجاهزة اللي في الشارجة واللي ما تكون غالية بعد والعذر منك.

الغالية تامرين امر..
حبيبتي بالنسبة لمحلات المغربي .. انا الصراحة اعرف في دبي محل اسمه القفطان المغربي.. موديلاتهم رووعه بس الصراحة ما اعرف اذا لهم فرع في الشارجة ..

وبالنسبة للملابس الجاهزة بتحصلين اشياء حلوة واسعارهم مب غالية في مركز صحارى وميجا مول .. امم يعد في شارع الوحده بتحصلين محلات تبيع اشياء حلوة ..

انتي شوفي هذي المراكز الي قلتلج عنها وان شاء اله بتحصلين كل الي تبينه :)

صراحة ما أعرف كيف أشكرك يا الغالية
(((((جزاك الله خيراً))))))
ولاأملك لك سوى الدعاء بظهر الغيب..بوركت.