مرحبا أختي...
أنا ولدي عمره سنتين.. ومن عمر سنة ونص لاحظت هدوءه وعدم تواصله مع أي حد... والله يسامحني أني جلست كثير جدام طيور الجنة.. واللي يمكن زادت حالته... ولدي 23 ساعه جدام طيور الجنة لحد ما صار عمره سنه ونص... عرضته على الدكتور وعملوا له فحوصات عشان يتأكدوا مش شي مرض ثاني لا سمح الله... والحمدلله الفحوصات كانت طيبة...
عرضت على إخصائية بعمر سنة ونص وقالت ما نقدر نأكد انه توحد ولا لا بهالعمر... بس أهم شي لا تحطيه جدام التلفزيون وخليه يختلط بالاطفال وبالفعل عملت كذا وشفت فيه تحسن...
اللي الاحظه على ولدي الحين:-
ما يجلس طول الوقت ركض...
ما يتكلم لحد الحين...
بس يركز على الالوان كثير...
ويحب تلعبي معاه وتضحكي....
عنده تركير بس مو كثير
يحب الاشياء اللي تدور
ويحب يدور بالاشياء...
بس ينتبه للخطر... واذا يريد شي يمسك بيدي ويوصلني للشي اللي يريده....
بس ما شاء الله ضحوكي وما يعصب..ما يختلط مع الاطفال... بس يحب يلعب مع أخوه ويضحك....
وصحيح ما ياكل الا الاكل مطحون... ما يقدر ياكل أكل الصلب...
اللي سويته الحين:-
سجلته بالحضانة وهذا أهم شي يختلط بالاطفال ...
سجلته للعلاج النطق والبلع
والاسبوع الجاي حجزت موعد في مركز بدبي... سمعت أنه مركز ممتاز عشان التشخيص.... هل هو توحد أو سمات التوحد أو نقص في المهارات.... وعلى أساس هالتشخيص راح يحددوا العلاج..
الله يحفظ لنا أولادنا ويبارك فيهم...
أختكم
أم فيصل
الصفحة الأخيرة
كل من رد علي