اللي عندها خبرة في شرح الباترونات

شوفى هو ده الباترون ولو عاوزة نشرح الغرزة بالكتابه انا ممكن اشرحها لك

حتعملى عدد سلاسل البدايه المناسب للطفلة
مع ملاحظة ان كل صدفة تحتاج 13 سلسلة ومراعاة سمك الخيط ورقم الابرة

إذا نحتاج لعدد سلاسل البدايه عدد يقبل القسمة على 13 ونضيف فى النهايه 5 سلسلة تحسب كأول4 سلسلة واول غرزة حشو

كمثال لعمل 4 صدفة نحتاج 52 سلسلة ونضيف 5 اى نحتاج 57 سلسلة لعمل 4 صدفة

السطر الاول لعمل جسم الشال
غرزة حشو فى سابع غرزة من جهة الابرة
4 سلسلة نترك 2سلسلة ونشتغل حشو فى التالتة
ونستمر بهذه الطريقة نشتغل 4 سلسلة ونترك 2 سلسلة من سلاسل البدايه ونشتغل حشو فى التالته
حتى اخر السطر فى اخر السطر سوف يتبقى لديك سلسلة واحده اشتغلى 2 سلسلة فقط وحشوفى اخر غرزة


السطر الثانى


اشتغلى غرزة سلسلة وحشو فى نفس الغرزة
4سلسلة ثم حشو فى منتصف السلسلة الفراغ التاليه
5 عمود فى السلسلة الفراغ التاليه
حشو فى السلسلة الفراغ التاليه
4 سلسلة حشو فى السلسلة الفراغ التاليه
4 سلسلة حشو فى السلسلة الفراغ التاليه
5 عمود فى السلسلة الفراغ التاليه
حشو فى السلسلة الفراغ التاليه
4 سلسلة حشو فى السلسلة الفراغ التاليه
4 سلسلة حشو فى السلسلة الفراغ التاليه
وتستمرى هكذا حتى نهايه السطر

فى نهايه السطر بعد ال5 عمود فى السلسلة الفراغ والتى سنحصل منها على اخر صدفة
اشتغلى حشو فى السلسلة الفراغ
4 سلسلة حشو فى الفراغ المكون من ال5 سلسلة التى اضفناها لبدايه السطر


السطر الثالث



5 سلسلة لبدايه السطر

حشو فى منتصف السلسلة الفراغ
عمود فى العمود الاول ثم سلسلة
ثم عمود فى كل عمود ويليه سلسلة
حشو فى اول سلسلة فراغ
4 سلسلة وحشو فى السلسلة الفراغ التاليه
4سلسلة وحشو فى اخر فراغ
ثم عمود فى كل عمود يليه سلسلة
ونكرر بتفس الطريقة حتى نهايه السطر

السطر سوف ينتهى بعد عمود وسلسلة فى كل عمود بغرزة حشو فى منتصف اخر فراغ

نكمل


السطر الرابع

5 سلسلة

وفى السلسلة التى بين اول عمودين اشتغلى 3 عمود مجمعين من اعلى يعنى العمود الاول بعد سحب اول لفتين لا تسحبى التالتة وتقفلى العمود لكن اشتغلى العمود الثانى واسحبى فقط اول لفتين واشتغلى الثالث واسحبى اول لفتين ثم اسحبى كل اللفات التى على الابرة دفعة واحده

وبعد ذلك اشتغلى 3 سلسلة
كررى ما سبق فى السلسلة التى بين كل عمودين

2 سلسلة وحشو فى منتصف السلسلة الفراغ الوحيدة بين الصدفتين
2 سلسلة
وكررى ال3 عمود المجمعة من اعلى بين كل عمودين وبعدهم 3 سلسلة
حتى اخر السطر

فى اخر السطر اعملى 2 سلسلة فقط وحشو فى منتصف ال5 سلسلة فراغ الخاصة ببدايه السطر السابق

السطر الخامس


5 سلسلة وغرزة حشو فى ال 3 عمود المجمعة تلييها 4 سلسلة
وحشو فى ال3 اعمده المجمعة 4 سلسلة حشو فى ال3 اعمده المجمعة 4 سلسلة
وحشو فى ال3 اعمده المجمعة 4 سلسلة
الحشو التالية فى ال3 اعمده المجمعة للصدفة الثانية
كملى لاخر السطر
ينتهى السطر بغرزة حشو فى اخر 3 اعمده مجمعة

من هنا لاحظى اننا كأننا فى السطر الثانى نكرر من السطر الثانى الى الخامس مرتين كمان

ولنا بقيه

لكى يتسع الشال

بعد ما خلصتى ال3 صدفات
وانهيتى تكرار السطر الرابع
نبدأ فى تكرار السطر الخامس ولكن فى هذه المرة سوف نعمل 5 سلسلة بدل 4 سلسلة ونشتغل غروة الحشو فى ال3 لعمده المجمعة ونكرر حتى اخر السطر وينتهى السطر بغرزة حشو


السطر التالى

8 سلسلة غرزة حشو فى السلسلة الفراغ الاولى فى السلسلة الفراغ التالية اشتغلى 7 اعمدة
حشو فى السلسلة الفراغ التاليه
5 سلسلة وحشو فى السلسلة الفراغ التاليه 5 سلسلة وحشو فى السلسلة الفراغ التاليه
7 اعمده وتكملى بافى السطر ينتهى السطر بغرزة حشو

السطر التالى

5 سلسلة للبدايه
حشو فى السلسلة الفراغ
عمود سلسلة عمود سلسلة ...... حتى اخر ال7 عمود
حشو فى السلسلة الفراغ التاليه
5 سلسلة حشو فى السلسلة الفراغ التاليه
عمود سلسلسة ............ وتكررى ما سبق حتى اخر السطر وينتهى السطر بغرزة حشو

السطر التالى

5 سلسلة 3 عمود مجمعة فى كل سلسلة بين عمودين تليها 3 سلسلة
حشو فى منتصف الفراغ بين الصدفتين
ونكرر حتى اخر السطر

السطر التالى

5 سلسلة حشو فى السلسلة الاولى بين الاعمده المجمعة
5سلسلة حشو فى السلسة الثانية
ونكرر 5 سلسلة وحشو حتى اخر السطر

نكرر الصدفة الجديده مرتين كمان
اى عندنا 6 صدفات بطول الشال

الطريقة بعد ذلك انه بعد كل 3 صدفات طول

زودى عمودين فى الصدفة
يعنى يكون الصدفة اعمدتها 9 بدل 7 ونتبع نفس الطريقة
وبعد عمل 3 صدفات طول
لو محتاجة تطولى الشال اجعليهم 11 عمود وهكذا

حتى تحصلى على طول الشال المطلوب

لعمل الياقة

اشبكى الخيط فى سلاسل بدايه الشال
واشتغلى 3 سلسلة

ثم عمود (( لحظى ان مكان العمود الاول يكون فى غرزة الحشو الاولى فى الشال وممكن تراجعى الباترون لتضح الصورة امامك ))

عمود فى الفراغ بين الحشوين
عمود فى الحشو التاليه
عمود فى الفراغ بين الحشوين
وتستمرى هكذا لاخر السطر


السطر التانى

5 سلسلة
حشو فى اول عمود 5 سلسلة

اتركى عمودين وحشو فى الثالث
واستمرى لاخر السطر بعمل 5 سلسلة وتتركى عمودين وتعملى حشو فى الثالث

السطر الثالث

نعمل الصدفة المكونه من 5 اعمدة
كما عملنا الشال

ونكررها مرتين فقط
ثم الصدفة المكونه من 7 اعمده ونكررها مرتين ايضا

بعد الانتهاء من عمل الياقة يفضل عدم فص الخيط لنكمل الحرف


لوو فردتى الشال قطعة واحده ستحصلين على شكل يشبه الباترون

لعمل الحرف

اشتغلى حول الشال كله غرزة حشو فى كل عرزة

ثم سطر كالتالى

3 سلسلة تعد كاول عمود 2عمود مجمعة من اعلى نترك 2 حشو ونعمل غرزة منزلقة فى الحشو التالية وتكررى الغزة حول الشال والياقة

واى استفسار انا معك

زان شاء الله تعمليه لبنوتك