السلام عليكم ورحمة الله وبركاته
اخواتي صديقاتي مالي غير الله وغيركم اقسم بالله اني احاول اكتب موضوعي والدموع مغرقه عيوني لكن بستشيركم وابيكم ترسوني على بر انا ابوي مطلق امي من يوم عمري ثلاث سنوات واختي سنه المهم زوجة ابوي كانت بالبدايه تبغى تزوجني اخوها انا مانسى فظلها علينا والله يجعله بميزان حسناتها يارب بس هاذ الشي مايجبرني اني اخذ اخوها طبعاهو ماهو موظف ومريض نفسي الله يشفيه وابوي اللي يصرف عليه هو وامه ورفظت رفض قاطع وبعدها حاولت باختي واختي نفس الشي رفضت وعوضنا ربي الحمدلله بأزوجنا دين وخلق ومركز اجتماعي وبعد ثمان سنوات من زواجنا زوج ابوي اخو زوجته ودفع المهر ورمم بينه وتكفل بمصاربف الزوج الله يجعلها بموازين حسناته يارب والمشكله الاساسيه إنا لحظنا بالفتره الاخيره من بعد زواج اخوها واخواني اللي هم عيالها طبعا ساكنين فوق بيت ابوي إنا كل ماتصلنا قلنا بنسير قالت معزومين او بروح المستشفى والله العظيم انها تعطينا اعذر لثلاث ايام قدام ويوم زعل علينا ابووي قال ليش ماتسيرون قلتله كل مادقينا تعذرون تخيلو وش قال قال ماهو عذر اذ بغيتو البيت دلونه واخر مره جاني ابوي قال لو تسيرون انتي واختك كل اسبوعين يعني لاتجون كل اسبوع واذ سيرتو جيبو قهوتكم وشاهيكم ماهي ضارتكم وصرت اذ رحت لهم اخذ قهوه وشاهي وحلى وفطايررغم انا البيت فيه اخواتي كبار وحريم اخواني ماعندهم عيال واليوم يوم رحت لهم قالي ابوي تلقينها عند الله عقوقكم كل ماجيتو جبتو مويه حاره قصده القهوه والشاي قلتله بارك الله بمن زار وخفف انا واختي عندنا صغار وراى بعض وتعرفون اللي عندها صغار انا قلت له الموضوع يبيله جلسه وش اقوله اخاف يزعل مني رغم انه الحين اذ كلمناه قلنا بنجي قال دقو على امكم يقصد مرت ابوي حنا ناديها يمه رغم انا ابوي مشالله بيته يجتمعون فيه حريم اخواني واخوها وزوجته بس انا واختي ماحد يقولنا رغم انه انا واختي مسالمات وفينا طيبه زايده والله العظيم ودايم نعزمهم ويجون عندنا وحنا منتعشى عندهم تكفون قولولي وش اسوي حتى لوني غلطانه علموني خطاي صديقتي تقول المفروظ مفتاح بيت ابوك معك متى ماجيتي تجين ماتستشيرين احد تكفون ردو علي احس راسي بينفجر
ماكو نيم @mako_nym
محررة
يلزم عليك تسجيل الدخول أولًا لكتابة تعليق.
بحرالعنى
•
حبيبتي اناء من راي انه اذا جاء يوم الجمعة اعزمي ابوك على الغداء يعني بعد مايصلي الجمعة يجي ويتغدى عندك وتطماني علية يمكن زوجة ابوك واعيالها عندهم خصوصيات او انك تختاري اليوم اللي بتكون فية مع اولاده وتاخذ راحتها معهم اتفقي مع اختك مرة هي تعزم ابوك ومرة انتي كذا تكوني وصلة رحمك وارضيتك ابوك
اعزميهم يوم يمكن تحن قلوبهم شوي وتروح الحزازيات ومن حقك تروحين باي وقت البيت بيت ابوك ومثل مالهم فيه لك فيه انتي واختك
ماكو نيم
•
والله اننا نعزمه ومولحاله مع امي اخواتي واخواني وحريمهم وزوجة اخوها ويجون بس مايبونا نجيهم مادري ليش رغم إن لنا الحين ست شهور ماتزيد زيارتنا لهم عن ساعه كل اسبوعين او ثلاثه والله إنا اذ جونا مانخلي شي مانحطه واذ جينهم استقبالهم سي جدا والمشكله إن ابوي يزعل يقول ليش ماتسيرون ويتحسب علينا يقول الحق لي انكم تجوني
هدا ابوك وهدا بيtه ..
زوري ابوك ولا tشاوري احد ..
واذا محد سوا لك قهوه روحي للمطب وسوي .. لا tجيبي معك .. مثل مايبي ابوك ..
زوري ابوك ولا tشاوري احد ..
واذا محد سوا لك قهوه روحي للمطب وسوي .. لا tجيبي معك .. مثل مايبي ابوك ..
الصفحة الأخيرة