اللي عندها خبره طويله بالحياه الزوجيه ............او زوجها مثل زوجي تعطيني حل تكفى؟؟؟

مرحبا يابنات انا قررت اكتب لان خلاص طفشت وقرفت من حياتي مع زوجي :09: دايما عصبي لسانه بذيىء يبي مني اي حركه عشان يهزئني يابنات ترا انا قويه بس ما ادري شلون اتصرف معاه ان تكلمت ماخلصت وان سكت ماخلصت :(

اول شي زوجي من النوع الكريم وانا ماقلت شي بس والله من الجماعه كل من هب ودب خذا فراشه ونام عندنا ما قلت شي بس الشخص يكون عنده دم بيتنا صغير وانا ما اقدر اخذراحتي وانذبحنا بخدمه هالعالم رغم انه يقدر يقول انا عندي شغل او عمل ما اقدر استقبل احد بيذبحني هالرجال ولا تكلمت معاه بالطيب يقولي انتي ماتستحين ما تبيني استقبل احد لو اخوانه عيال عمه عادي لكن هذولي من بعيد .


ثاني شي جيبه لمن يكون فاضي يعزم وبعدين يتسلف وتكثر هالديون بسسب هاالعزايم فلان جا من السفر فلان عزمته وهو حرمته والله ثم والله عمه ذابحله ذبحتين ولا رد عمه العزومه رغم انه طول السنه عنده عزايم مافكر يتصل فيه ويعزمه يعني زوجي بالعربي محد حوله يعني ماعندك احد واذا طلبته فلوس يقول ماعندي انتظري طيب انت تقدر تحرج نفسك عشان عزيمه وماتلبي طلبات بيتك.


ثالث شي اي مشكله تصير على الربع ماينام طول اللي ويعصب ويحط حر فيني بسبب فلان طق فلان ولا فلان ماعنده فلوس .

رابع شي من النوع اللي يسلف وقاصر على نفسه كل شي واحد من اصحابه بالعربي حق مظاهر يعني بسيارته بجواله حتى حرمته نفس الشي وطلب من زوجي مبلغ 5000 وزوجي عطاه من الفلوس اللي جمعتها للشغاله واكلت تبن وسكت ورحت كلمت عمتي اللي امه وكلمته ومسح فيني الارض قدامها والرجال سافر يقضي شهر عسل جديد مع حرمته !!!!!!!!!!!!!!!!!! شفتوه القهر

خامس شي لسانه بذىء لو هاوشت ولدي ولا تكلمت معاه بالعقل او حتى المزح يعطيني كلمه والله لو مد يده علي احسن من اني اسمعها احسه بعض الاحيان يكرهني ما ادري وش سويتله يمكن لان كلامي صح وهو يغيضه وكم مره انها وابكي مو عشانه عشان بكره لو كبروا العيال كيف بيشوفون امهم ولا يحب يطلع ولا يروح معي رغم اني ست بيت صالحه ومحافظه على نفسي وبيتي واشتغلت وساعدته ويدي بيده بس ما ادري يمكن البيئه مختلفه .وانا ما اقدر اشتكي لاهلي او ابوي لانهم بيقلون انتي اخترتي وافقتي .


الحين امس تهاوش معي وقالي ما ابي اسمع حسك ولا ابيكي تسأليني عن اي شي طبعا حلفت اني معد اتدخل فيه بس بالله هذي عيشه ابوي لايحل ولا يربط ما ادري اتوجه لمين ساعدوني انا شخصيتي قويه وبدأت من اليوم ما اتكلم ابدا بس اتحسف على نفسي لاني من داخلي اقول هو زوجي وابو عيالي ومالي غيره ادوني الحل يا اهل الخبره :icon33: