اللي عندها خبره في التجميل؟؟؟؟؟

حبيبتي المكياج اذا كان ماركات مستحيل يخرب وجهك واهم شي لاتنامين وانت حاطه الماكياج
وقبل الماكياج الي عليك بس انك تنظفين بشرتك وتحطين مرطب وبعدين البيس وبعده بدقيقتين الاساس وكملي وبسسسسس

انا بقولج اللي اعرفه لأنه في ذمتي ...

مش كل الماركات المشهورة والغالية طبيه ...ومب كلها تصلح للوجه أوما تخرب الوجه مثل ما كنت اظن !

مثلا انا من زمان استخدم (شانيل) بس مرة في برنامج قالوا عنه انه مستحضر تجميلي وليس علاجي ( الألوان والشادوز وخلافه أما الكريمات لشانيل فمنها علاجية و تحارب الشيخوخه وتعالج البشرة بصراحه ولكني لا استخدمها )....يعني المستحضرات التجميلية اكيد بتشتمل على الزين والشين وما راح تعالج بس اللهم انها انظف من الماركات الرخيصة وتتبع دور ازياء مشهورة وان العلامة التجارية هي اللي ترفع المنتج فوق وتخلي اسعاره بالشي الفلاني ...
أما عن العلاجية ...في ماركات كثيرة تعالج البشرة وفي نفس الوقت تجميلية وتكون مساحيق وبودره وظلال ......والخ
يعني اذا كانت بشرتج مختربة ولا شي لا تحطين عليها الا مستحضر تجميلي علاجي وليس تجميلي عادي بمعنى أنه يعالج البشرة في نفس الوقت وتكونين مطمنة من وضعه على البشرة

ودائما اختي اذا كان عندج وقت بفتره طويلة قبل وضع المكياج .....خذي ملعقة بودرة لوز + ملعقة روب + ملعقة عصير ليمون + ملعقة عسل واخلطيهم وحطيهم على بشرتج الى ان تتشرب لمدة 15 دقيقة....قشري الخليط بفركه ( الا منطقة العين ) واغسليه بماء فاتر يميل للبروده حتى تشتد المسامات ..وفي المناسبات الحارة مثل صيفنا لا يفضل استخدام الترطيب الدهني لأن المكياج حتما بيسيح
اما التونيك اشوف انه اخف على البشرة..
امسحي الوجه بتونيك الأملاح البحرية ( نيفيا) او ماركه علاجية اذا بشرتج مختربة وتحتاج علاج.....استخدمي الأساس علاجي والبودرة المضغوطة علاجية....ثم الألوان ...أما ما تختارينه من الوان وميك اب فهو راجع للذوق طبعا وما تختارينه..

اما عن مثبت المكياج في بخاخات من ماركات مشهورة ترشينها بعد الإنتهاء من المكياج حتى يثبت وتوجد انواع كثيرة الآن تثبت الروج وتحدده حتى لايسيح وخصوصا الغلوس وايضا كريمات مثبته للظلال العيون وكله لقيته عند - كريستيان ديور - ... وابسط طريقة لثبات ظل العين اما بالماء أو استخدام الظل المائي ..


وعند ازاله المكياج لا تزيليه بقطنة وتمسحين وتمسحين وتمسحين بشده لالالا..انا اغسله ب ( نيفيا فيزاج) لانه لطيف جدا على الوجه ويزيل المكساج اسرع وانظف ( أو أي جل غسول للبشرة )....وبعدها ممكن تستخدمين التونك أو سكينول لمسح البقايا كلها ثم التونك وان شالله بهالطريقة بتحافظين على البشرة ونضارتها..

وان شالله اكون افدتج بشي ...

بنت الحفر

مشكوره لردك لكني ما فهمت وش تقصدين بالبيس؟؟؟؟


ملكه مملكتي

مشكوره لتفصيلك....تعبتك معي
والله أفدتيني على شي ما أعرفة
لكن كيف أعرف المكياج التجميلي والمعالج وش الفرق بينهم؟؟؟
وأنا الحمد لله بشرتي ما عليها بس فيها مسام كبيره شوي
وقبل إسبوعين سويت عند مشغل مكياج وحطت الأساس بدون ما تحط أي شي قبله
وبصراحة نفر وجهي

أنا ما أعرف أي شي عن الواقي اللي يقولون ولا واقي العين
ياليت تعلميني عنهم وش أفضل الأنواع؟؟؟

حبيبتي البيس تحطينه قبل الاساس وانا استخدم البيس من سماش بوكس رووعه
والبنات يمدحون مال فور ايفر

ألف ألف شكر ..........

يعني هو اللي يسمونه واقي؟؟؟