تبين نصيحتي ..مايروح ريحة اللحم الطازج إلا التفريز (الفريزر )

أنا واحد من أخواني مستحيل يأكلها طازجة يقول فيها طعم غريب مع أننا نأكل منه عادي جدا

ومن نحطه بالفريزر ونطلعه للطبخ يأكله عادي .

تبليها بثوم وبهارات وزبادي وشوي كاتشب وملح

وحطيها في صينيه بالفرن
يطلع طعمها خيالي
لللحم والدجاج

طريقتي عادية .. اول شي نطلعا من الليل تذوب على راحتها
تغسل جيدا ثم نضعها في ماء مغلى لمدة 15 دقيقة وبعدها نتخلص من هذا الماء ونغسل اللحمه ثاني لانه يكون فيها شوي من الريم
وبعدها احطها بماء مغلى ثاني واحط معاها الابهارات والبصل والثوم واتركها ساعه وربع .. وبعدها يا اضيف لها الخضار والطماط ان كانت مرق او اسويها كبسه .

السلق ..



شيبة >> تقضي على الريحة نهائي
فلفل أسود >> اهم التوابل
كمون
كزبرة
قرنفل
وممكن خولنجان
طبعا كلها بهارات صحيحة (عدلة / حب / غير مطحونة)

مع
فص ثوم طازج مقشر
قطعة زنجبيل طازج مقشرة
بصلة مقطعة أرباع
وممكن ورقيات (كرفس ـ إكليل جبل ـ كزبرة)
هذا مع السلق

.. .. ..

التشويح والمقلقل
جربوا هذي الطريقة وهي غدانا اليوم ..

سخنت زيت وبعدين حطيت عليه بهارات مطحونة (كزبرة ـ كركم ـ زنجبيل ـ وبهارات مشكلة حسب الرغبة)
حركتها شوي
أضفت اللحم مقطع قطع صغيرة + ثوم مفروم + فلفل أسود
الافضل ان الفلفل يكون بهذي العلبة اللي زي حقت الشيف


وقلبت لين قرب يستوي
صبيت لبن حوالي فنجال قهوة وقلبت طبعا بيتكتل بس بالاخير تتشربه اللحمة
قلبت لين ما تشربت اللحمة
وأخيرا البصل مقطع طوليل وقلبت لين تشقر واستوى ثم اضفت الملح
وحشيته بسندوتشات مدهونة بالصوص (جبن سائل او طحينة مع زبادي)

.. .. ..

وبالنسبة للشوي تبليها قبل بيوم