اللي عندها خدامة سيرلانكية تسألها؟

معقووووولة ما أحد عنده سيلانيات ؟؟

بعدني عندي أمل فيكن يا الطيبات

بانتظاركن

سامحيني والله يا ريم كان ودي أخدمك بس للأسف الشغالات عندنا هنود وأندونيسيات :cook:

بس ولا يهمك إذا إن شاء الله إذا لقيت سيلانية عند أحد ما راح أخليها وبسألها لك :26:

دام طبخها زين كان ما سافرت...........ابسألك خدامتي بكره:26:

ياريتك عارفه اسم كل طبخه عشان الي عندي ماتعرف عربي ولا تستهبل

هلا بالغاليات اللي ردن:

أم الحــــارث مشكورة يا الغالية على الرد وأنا مثلج عندنا هنود و أندونيسيات

و أنا متأكدة إنه لو عندج سيلانية ما بتبخلين بالرد

وإن شاء الله إذا صار و لقيتي سيلانية أتمنى تسالينها

وعلى فكرة أكلهم وايد حلو و تسلمين يا أم الحارث و أتمنى لك التوفيق.


هلا ام الحلوه سيلانيتنا كانت عندنا من زمان أيام ما كنت أحب الطبخ

و قعدت عندنا 8 سنوات و بعدين خلاص قررت تتقاعد و تقعد مع أمها المريضة

و تتفرغ لأولادها و بناتها ، و طبعاً لازم نراعي ظروفها و دوام الحال من المحال

وسافرت و للأسف بدون

ما أكتب مقادير و طريقة أكلها الحلو و تندمت ألحين

أتمنى تسألين خدامتج و إن شاء الله تساعديني يا الغالية بانتظارج.

هلا عزيزتي fatoma88

والله ما أعرف اسامي أكلاتهم لأني كنت صغيرة وما كننا نسألها عن اسم الأكلة

و تقدرين من وصف الأكلات اللي حطيتها إنج تسألينها أو حتى تييبين مثلاً خبزة جدامها

وتيبيين جوز هند مبشور و تحطينه في الخبزة و تلفينها و تسألينها عن هالأكلة في بلادهم

يعني حاولي تخلينها تفهم بالنظر.. وإن شاء الله تساعديني لأن أكلهم حلو.