اللي عندها خلفية في البرمجة و لغات البرمجة

بارقة خير :

وعليكم السلام ورحمة الله وبركاته أختي إيش رايك تدخلين في برنامج شهادات مايكروسوفت في الVB .net؟ وهي بالمرة علم وشهادة. أو حتى الجافا عندهم شهادة (ولو إني أشوف الجافا ثقيلة دم) إذا انتي شاطرة ممكن تتعلمين بنفسك عن طريق الكتب (فيه كتب تحضيرية خاصة للاختبارات) وتقدمين اختبار انتي إيش اللغات اللي تعاملتي معها أو اللي حبيتيها أكثر؟ (ترى قصتك اللي حكيتيها عن نفسك تكاد تكون نسخة طبق الأصل من قصتي :42: )

وعليكم السلام ورحمة الله وبركاته أختي إيش رايك تدخلين في برنامج شهادات مايكروسوفت في الVB...

بارقة خير :

دام انج تدرسين بنفسج يعني إن شاء الله راح تمشين اختبار المايكروسوفت هو اختبار عالمي مثل الtoefl ويكون عن طريق الكمبيوتر يعني اختيار متعدد أكثر شيء بالنسبة للطريقة ففيه كتب تؤهل للاختبار يعني تعلمج بالمحاور المطلوبة للاختبار وفيها تطبيقات وأيضاً فيه (أسئلة مراجعة) نماذج للأسئلة وإجاباتها هل عندج خبرة في ال.NET؟ لأنه هو اللي رائج الحين فيه النظام القديم للاختبارات (هو على Visual Studio 2000 و.NET القديم) واسم الاختبارات MCAD, MCSD الMCAD على ما أذكر 3 اختبارات (اختبار في برمجة النت، اختبار في برمجة الحاسب، والثالث ناسية) ويعطونج شهادة مبرمجة والMCSD: بعد ما تكملين الMCAD تزيدين عليهم اختبارين (واحد في تصميم البرامج والثاني اختياري وأحسن الخيارات الsql server( بعدين يعطونج شهادة أكبر من الأولى أما النظام الجديد فهو على Visual Studio 2005 و NET الجديد .. وهذا النظام توه طالع ما له كم شهر .. يعني ما فيه له مراجع وكتب كثيرة ... بالنسبة للكتب ففيه مجموعة من الكتب عندي (كتب الكترونية) بس حالياً أنا مسافرة والكتب في جهازي الأساسي.. فإذا ودج ممكن ترسلين لي إيميلج على الخاص وأرسل لج إياها إن شاء الله في خلال 3 أسابيع وأيضاً ممكن نتواصل ونشجع بعض عن طريق الإيميل. أنا عن نفسي في الجامعة اشتغلت على الC++ والجافا وعملت مشروع التخرج موقع باستخدام JSP (يا هو مغثة الجافا :09: ) بعد التخرج تعلمت php لأنها اللغة السائدة على النت والحمد لله أمشي حالي فيها واشتغلت في مكان عطونا دورات VB.Net وتعلمت شوي وطبقت في الشغل بس ما كان عاجبني الsyntax تبع الvb فبعدين قمت علمت نفسي C# اللي هو أخو VB وولد عم C++ وجافا وبعدين لظروف تركت هذا الشغل ورحت لمكان ثاني وعملت لهم موقع داخلي بالphp وبعدين اضطريت أقدم على إجازة ... وأنا الحين محلك سر وبسسسس ... من سنة وأنا ناوية أدخل اختبار بس للحين ما صار شيء .. يوم غيروا النظام قلت خلني أشوف النظام الجديد إذا نزلت له كتب أحاول أجرب فيه إذا تحبين الداتابيس ففيه اختبار SQL Server 2005 وله كتب وأسئلة نازلة... أنا أفكر إني أحضر نفسي عشان أدخل في الاختبار بس مادري ليش للحين ما عزّمت هذرتي وايد الله يعينج :09: معليش سؤال انتي من وين أختي؟ أتوقع الإمارات لأنه عندنا في قطر ما فيه تخصص نظم معلومات (أو على الأقل قبل 4 سنوات ما كان فيه يمكن الحين فيه)

دام انج تدرسين بنفسج يعني إن شاء الله راح تمشين اختبار المايكروسوفت هو اختبار عالمي مثل...