اللي عندها خلفيه عن امور الطلاق والنفقه

كلكم احسن من بعض ماشاءالله 😍😍😍
ان شاءالله تكبرون بالعمر وتحتاجون عيالكم ولا تلقونهم يارب
مكانك ومكانه دار العجزه مو تحت خيرهم
وينك انتي عن عيالك اذا ابوهم حقير ولايسأل ؟
وينك ما سويتي لهم مسكن عند اهلك ولا رفعتي عليه قضيه يوفر لك سكن مع عيالك وتستقلون لحالكم وبما انهم كبار بيختارونك اكيد
العيال بدون تربيه وش حالهم يالللههه 😭😭😭 مصيبه لا ام ولا اب فوق راسهم
يمكن الولد يصاحب سرابيت او البنت تهمل دراستها وتصاحب رفيقات سوء 😭😭😭 لا رقابه ولا تربيه ولا اهتمام ولا حنان ولا حتى عندهم ام تخاف عليهم
وش لك بالزواج عمرك ٢٥ انتي ؟؟
ليتك جلستي مع عيالك واهتميتي فيهم كان احسن لان هم سندك الحقيقي
اتمنى من كل قلبي تخلفين اطفال على الاقل يطلع لزواجك هذا فاااايدة ياخوفي متزوجه سبعيني وانتي الرابعه
حسبي الله على ابوهم الحقير الله لايوفقه ضيع الامانه وتركهم لحالهم
اجل يرسل للبنت مصروف
والولد ؟ اذا مالقى مصروفه من ابوه وين يلقاه وش يسوي عشان يلقاه
ياعزتي لهم
مافي شي اسمه قضية اهمال ماراح يسوون له شي
الولد لو طلع من بيت ابوه الخسيس محد يقدر يقول له شي
زوريه اهتمي فيه اسألي عنه ركزي بدراسته انصحيه
يكبر ويتوظف ويشيل اخته من عفن اهل ابوه
ويروح يستقل لحاله مع اخته لين ما يجي نصيبها
لا حول ولا قوة الله بالله
اسرة مشتته الله اعلم بنفسية العيال كيف الحين

العيال كبار تعوذي من ابليس ما اظن ينظر بالقضيه يمكن يطلبون صلح فقط
اذا يهمونك عيالك ليه ما جلستي عندهم




ويرسل مصروف ولهم بيت يضفهم وش تبين أكثر من كذا
محد يشحذ اهتمام ان جاء زين وان ما جاء مو لازم
المفروض الاهتمام والحنان والعاطفه تجي منك بالأول لأنك الام

كيف اهملهم وانتي وش سويتي يوم رميتيهم وتزوجتي قولي ابي اكيده ودي بتصفيه حسابات معه لأن مو شايفه إهمال بسالفه الإهمال منك وتراني اخس منك تركت عيالي بس انا ماقلت أهمل لاني عارفه اني مو كفو فسكت لاكن انتي كيف ترفعين قضيه بتجي في وجهك وتتحملين نفقه القضيه لأن الحين الرفع بفلوس والطرف الخاسر يتحمل تكاليف ابوها كلها

يمكن تمزحين اكيد

بعض الردود أعوذ بالله من اسلوبهم يا اختي انا تزوجت وماني عندهم وعندي اولاد صغار وزوجي ما يبغاهم
ومن قال ان القضايا بفلوس القضايا ترفع عن بعد ومجاني
انا ابغئ ردود أشخاص عندهم خبره
علما ان الولد موظف وفصل من وظيفته