ان شاء الله هذ الرابط ينفعك ..............دعواتك لي بتيسير اموري

http://forum.hawaaworld.com/showthread.php?t=3531017

الله يعينك ويسخره لك ويصرف عنه بنات الحرام
اكثري من الاستغفاااار عسى الله يجعلك فرج

الله يسعد كل من مرت موضوعي وقرت قصتي واعطتني نصيحتها
والله انكم اخواتي اللي ماجابتهم امي الله يسعدكم يارب
بس انا احس لما اقرب منه او اشوووف وجهه اتذكرها واتذكر الصور حقتها وكلامه اللي يرسله لها
والله يابنات احس اني مابي اشوووف وجهه
غصب عني والله غصب مو قادره احس شي بداخلي انهدم مادري كيف اوصف شعوري
واللي تقولي واجهيها انا ماقدر اواجها ولا ارسلها تدرون ليش لان زوجي هو السبب لو مارخصني ومااعطاها وجه كان ماتمادت معه
انا مابي ازيد نفسي جرووح فوق جررروحي
حسبي الله عليها
وانا والله لبس متجدد ومغيره في شكلي بين الوقت والثاني وحتى في الفراش يقولي انتي تجننيني ابي اعرف بس الخلل
والله مو مقصره معه في شي

قلبي معااااك
والله حسيت في همك وحالة زوجك تخوف صراحه......
لكن بقولك شي مهم جدا انت تقولين ان ماناقصك شي وزوجك شايف انه ناقصك كثير اسمحيلي على صراحتي بس لان ابغى مصلحتك معايير احتياج الزوج مو زي كثير من الزوجات يعني طبخ ونظافه مو مهم وهذا قاله زوجك لك
الحل باختصار خلي كل شي على جنب وابدي دلع ورومانسيه وفرغي نفسك هالفتره لتعويضه عن نقصه اذا تبغين حياتك تستمر ..............
وباين ا ن زوجك بين نارين نار حبه وعشقه لك بين نار الحاجه اللي وفرتها له اللي ماتخاف الله...
دعواتي لك......

في نقطة اختي لفتت انتباهي : كررتي اكثر من مرة ان زوجك يقول كملي ((((( النقص )))) اللي عندك . ضروري تقولين له اذا في شي تمنيته ومالقيته عندي فهذا مو معناه نقص مني ، انا مو مقصرة عليك بشي واذا في شي تمنيته فيني ومالقيته المفروض انك تجيني وتصارحني ، مو تتركني وتسوي شي غلط ومايرضاه دين وبالاخير تحاول تلومني عليه ، اللي انت تسويه ربي بيحاسبك انت عليه مو بيحاسبني انا وهذا اكبر دليل انك غلطان ، واشلون تقبل نفسك انك تكون مع انسانه تكلمك وهي بذمة غيرك ؟؟؟ كما تدين تدان والدنيا دين وقضا (( ولاتهينيها اكثر من كذا بالعكس حسسيه انها اصغر من انها تستاهل الكلام عنها . ولاتسمحين له يقارنك بها او يتكلم عنها بالزين او الشين ومباشرة قوليله هالانسانه ماتهمني بشي ومالها وجود بحياتي )

اللي اقصده اختي انك توصلين له فكرة مو اي شي غلط يصير بحايتكم معناه انتي مقصرة انتي ناقصه وانتي وانتي وانتي ....

لكن بنفس الوقت شوفي الاشياء اللي يبيها ( تكلمي معه ، خليه يفتح لك قلبه قولي له ابي اسمع ايش ناقصك معي ، واذا تقدرين انك تسافرين معه لو يومين تقولين له ابي احسم هالموضوع معك من الحين وابي سافر يومين نحكي ، اذا قالك نحكي هنا قولي له لا ابي نكون بروحنا وتعزل نفسك عن كل شي وتحكي معي ، وخليه يحكي : لما يبدى يحكي وسمعتي شي ماعجبك لاتدافعين عن نفسك ابدا ، اولا اسمعي ، خلص نقطة خليه يقول اللي بعدها ، خلص الثانية خليه يقول اللي بعدها وانتي ساكته . لين يخلص كل الكلام وقتها قولي له بيصير خير ان شاء الله واسكتي . مهما حاول يجرك للكلام خلك ساكته ، خليه يقلق وش بتسوين وش ردة فعلك ، وبهاليومين خليه يطلعك ويمشيك قولي له محتاجة اغير جو ، لاتفتحين معه الموضوع ثاني ، وخلي سوالفك معه قليلة جدا بهالطلعات وسوالف تكون مهذبة وعادية جدا وكانكم اثنين اصحاب طالعين سياحة ، اذا هو عنده اشياء يبي يقولها اسمعيه لكن انتي لاتحكين حاليا اصبري ، ومهما حاول يستفزك للكلام خلك هادية وقولي له فلان ابي اتمتع بهالطلعة بهدوء لو سمحت ، فكري بكل شي قاله والافضل انك تكتبين كل النقاط بورقة مهما كانت النقاط تافهه بنظرك اكتبيها واقرايها كل يوم ، حاولي تفهمينها ، وبنهاية الرحلة وقبل لاترجعون اجلسي معه ثاني جلسة هاااادية و قولي له ابي نحكي بعد العشا ، هو بيكون مستغرب صمتك اليومين اللي قبل وبيتشوق يعرف وش عندك ، بعد ماتتعشون اجلسي معه وناظري فيه بهدوء وثبات وقولي له انت شاري اللي بيننا ؟؟ بيقولك ايه قولي له وانا شارية اللي بيننا ، لكن هالشي يبي فعل مننا مو مجرد كلام. انا راح احرص اتفهم احتياجاتك واوفرها لك وانت راح تعاهد الله اولا ثم نفسك ثم انا انك تستدرك خطإك بحقي وتساعدني نحافظ على بيتنا .

لارجعتوا ابدإي شوفي حلول للاشياء اللي قالها .

وبالنسبة لانه يبيك تستقبلينه لما يجي من الدوام ترى هذا شي مهم جدا عند الازواج ، يبي يحس ان غيابه كان له اثر عليك وان جيته حاجة مهمه في يومك .

لاتنسين اثر ركعة باخر الليل والناس نايمة ، الدعاء وقتها غير وربنا باذنه ماراح يخليك

بالتوفيق