اللي عندها ذوق في الديكور تتفضل

حبيباتي كل عام وانتم بخير

هادي اول مشاركة لي في هذا القسم وحابه استفسر منكم عن بعض الاشياء اللي حابه اغيرها في بيتي

اول شي بيتي ماشاء الله عبارة عن خمس غرف
صالون حريم وصالون رجال
لهم حمام ومغسله خارجيه منفصله عن البيت بمدخل مستقل ... والمدخل الثاني يدخلك على ممر طويل 3 متر ونص في عرض حوالي مترين يؤدي الى صالة داخلية تقريبا 4 في 5 فيها باب غرفة بناتي 3 ماشاء الله وباب على غرفة جلستي 3ونص في 6 وفيها قوس يدخلكم على الحمام وانتو بكرامة ومغسله يقابلها باب غرفة النوم الرئيسية المغسلة عاليمين وغرفة النوم على اليسار

اتوقع وضحلكم تصميم البيت المهم انا فرشت الصوالين الحمدلله متبقي لي فيها الاكسسوارات فقط
المهم الان الصالة اللي 4 في5 حاطة حاليا فيها طاولة الطعام وبعض العاب بناتي وماني مستفيده منها لانو ودي ادخل طاولة الطعام غرفة جلستي

وغرفة الجلسة حوسة تانية
جلستي كبيرة ماشالله بس مافيها عرض
3 ونص في 6 محتارة فيها

حاليا قررت اركب باركيه لاناقتة ولاني اقدر انقله بيتي الملك ان شاء الله
ابغاكم تساعدوني في تصميم الغرفة اللي هي جلستي تعبت فيها ومابغى الكنب يكون في جدار الباب علشان ماتكون الجلسه مكشوفة للشغاله وهي رايحه وهي جايه ..


احب ديكور ايكيا واللي عندها في بيتها تخزين في غرفة الجلسة تحطلي صورته اخد افكار


يعطيكم الف عافيه