اللي عندها ذوق وتحب الكشخة تدخل

الله يسهل عليك ويقومك بالسلامة

النسبة لي أشوف البجامات أريح وأسهل في الحركة من الارواب بس ما تلبسينها إلا بعد إسبوع من الولادة وتكونين طبعآ رابطه بطنك ...........:27: :24: :27:

احنا لازم نلبس الجديد وانا عن نفسي لما ولدت حمودي سويت لي شنطه لي وللمولود المولود طبعا معروف ايش فيها ... لكن انا كنت حاطه كل شي جديد في شنطتي حتى معجون الاسنان والفرشاة كان فيها ... وجلابيات بس تكون فيها فتحه تقدرين يعني تفصلين او تلبسين فضفاض علشان الرضاعه والحركه ... بس انا بجرب البيجاما انشاء الله بس ادعولي احمل بسرعه ...

عندنا محلات كثيره في الامارات لبيع الجلابيات اللي يختاره قلبج ..... في سوق اسمه عكاظ هذا من اوله الى اخره كله جلابيات ... وفي الشارقه في سوق القديم بعد فيه مجموعه كبيره من محلات بيع الجلابيات ... وقمصان النوم اللي تجيكي من لندن تراها زينه وفخمه ...

الله يسهلج وتولدين بالسلامه

بنات
انا عندي اقتراح طبقته وطلعت قمصان نوم الولادة عندي كلها حلوة وفخمة

رحت محلات الهنود اللي عند موهنس في شارع الميناء في الشارقة
واشتريت حرير هندي - وانصحكم بمحل ريجال علشان ما تلفون وايد او موهنس وعنده الحين عرض خاص تشترين قطعة ويعطيج بقيمته اخرى مجانا -
المهم .. بعدين
عطيته خياط يمدحونه وااااايد في الخان في الشارقة اسمه طروادة تحت جسر الخان
يفصل قمصان نوم عجيبة كأنها جاهزة
وعنده موديلات احلى من الجاهز
وممكن يفصلج القميص ومعاه روب
وكل القمصان بدانتيلات
هو بروحه يشتريهم
واذا حبيتي تشترين انتي وتعطينه على ذوقج
والعجيب ان اسعاره ما تتعدى 100 درهم للقميص واذا كثر مب اكثر من 150
بس والله تستاهل
وانتي وحظج لاني ساعات اروح عنده واشوف موديلات كثيرة
واحيانا الموديلات تكون مشيولة وما تشوفين وايد موديلات

عقب هالنصيحة
اتمنى شئ واحد منكم
تدعولي ان الله يسهل ولادتي لاني خلاص دشيت التاسع وخايفة وايد من الولادة

مشكورة وايد يا زهرة السماء
معلومة مفيدة ، وانشاءالله كلنا بندعي لج إن الله يسهل عليج في ولادتج وتقومين بالسلامة


وتحياتي

أم عـــــــــيـــــــــــون فـــــــتـــــــانـــــــــــــة

A a R a M مشكورة على هالاقتراح الحلو فكرة جديدة بجربها انشاء اللة
كلبوزة مشكورة على ردك الجلابيات جربتها في ولادتي الاول يمكن زي ما قلتي العيب الوحيد انها مسكرة في الغالب من فوق اضطر لتعديلها عند الخياط قبل اللبس



زهرة السماء مشكورة على ردك انا من الريا ض ما ادري المحلات اللي تقولين عنها القاها هناولا اللة يهون عليك ويقومك بالسلامة ويرزقك الولد الصالح
ام عيون فاتنة مشكورة عيوني على الرد