مشاء الله تخطيط حلو بس عندي شوية ملاحظات اذا بتعجبك تتفاديها من بدري
1- البلكونه جنب صالة الجلسه وكبيره بتضيع مساحه على الفاضي خصوصا اذا الجو ما يسمح تستفيدو منها يعني لو تصغريها ودخليها في الصاله افضل .
2-طيق في غرف النوم وحده تكفي لان الجو عندنا بارد او حار وغبار بس في غرف النوم متر في متر تكفي في غرفتك الرئيسيه حطي الطيق في جدار واحد ثنتين طوليه يجي السرير بينه زي فكرتك حلوه والجدار الثاني خليه بدون طيق يسهل عليكي ترتيب الاثاث هاذا رايي وبراحتك.
3-وفي المطبخ متر في متر بزياده اهم شي انتبه لفتحة شفاط الفرن صلحوها من بدري لان حنا تورطنا فيها .
المطبخ وغرفة الغسيل ماخذه مساحه كبيره وحطيتيها جنب الدرج الرئيسي المفروض تكون اقرب لدرج الخدمه علشان تكون حركة الشغاله على جنب افضل من رايحه وجايه بوسط البيت .
4-التلفزيون مايظبط وسط الطيق لانه بيكون مزعج للعين ومو مريح .
5-اما نوعية الطيق افضل الدبل العاكس منظر حلو بس في اليل فضيحه لازم الستاير وتكونين حريصه عليها انا اشوف اذا ما فيه مطل لها حلو لاتحطينها .
6-في الحمامات خلينا الالمونيم الطيق ثابته ماتنفتح اهم شي اناره وتنظيفها يكون اسهل .
ملاحظه غرف النوم حقة العيال قليله الغرفه الوحده بالعافيه نفرين باغراضهم اذا عندك اكثر من اربعه عيال افضل تحولون تغيرون في المخطط بحيث يزيد معاكم غرفه وبالتوفيق .

اعطيتك المعلومات الي ندمنا عليها والي ممكن تفيدك موفقه

سبحان الله وبحمده سبحان الله العظيم *****الله البنات يفيدونك

حبيبتي انتبهي للواجهات وللمناخ
يعني على حسب المنطقه الي انتي فيها
نمثلا لو حاره حاولي تكون النوافذ عكس شروق الشمس علشان مايحتر البيت
ولو المنطقه بارده خلي النوافذ تكون شرقيه وعكس هبوب الرياح
الموسميه عندكم
لان البيت مو ديكور وبس برضه لازم يكون عملي ويتماشى مع المناخ السايد بالمنطقه
الا اذا مضطرين في غرفه معينه ومو مطله الا على منفذ واحد يعني مالكم خيار الا ذا الواجهه
واسئلوا المهندس المختص افضل