اذكرك بدعاء الخروج من المنزل(بسم الله توكلت على الله ولا حول ولا قوة الا بالله اللهم اني أعوذ بك ان اضِل أو أُضَل أو ازِل أو أُزَل او اظلِم أوأظلَم او أجهل او يجهل علي)

انا عندى سلفه وحده وما عرفت اربيها

بس ناويتلها

السلام عليكم

اخواتى

بصراحة ماادرى احس انها ضاهرة جديدة الزعل والغيرة و......و....... بين السلايف يعنى لو نقول ضراير ماعلية الامر يهون
لكن حبيباتى انتى فى بيتك وهى فى بيتها انتى عندك زوجك وعيالك وهى كمان وماتشوفوا بعض الا مرة فى الاسبوع او من الممكن اكثر من كذا ............طيب لية اوقف حياتى كلها على سلايفى وايش قالت وايش عملت وايش لبست وايش .......وايش ومن الممكن توصل انى ابغى اربيها كمان بينما من الممكن ان يكون اولادى بحاجة لتربيتى اكثر من حاجتها هى لاربيها
بالاضافة الى ماقالته الاخت ام مسلم
انا فى راى للى تعانى من هذة المشكلة تعاملى معاها بما يرضى الله وخلى دائما السلام بينكم والسؤال عن الصحة والاولاد بعد ذلك اتجهى بحديثك لمن ترتاحى معها بالمجلس ...........الدنيا لاتتوقف عند هذة االسلفة

سدى اذانك حبيبتى لاى شخص يحاول ان يوصل لك ماذا قالت عنك .....ردى واسكتى هذة المتحدثة باسلوب طيب وصارم انك لاتحبى ان تسمعى مثل هذا الكلام .........لانه وبصراحة اغلب المشاااااااااااااااااااااكل تكون بنقل الكلام وفلانه قالت عنك وعلانه قالت عنك مما يوغر الصدور على بعض ولاتدرى هل الناقلة صادقة ام كاذبة

خلى ثقتك بنفسك كبيييييييييرة واهتمى بنفسك وزوجك واولادك صدقينى هم الدافعوالسبب الرئيسى والهام لسعادتك ليس امام سلفتك فقط ولكن امام الجميع

ابعدى زوجك عن هذة المهاترات النسائية لانه حتى لو سمعك لابد ان يعلق بينة وبين نفسة لية واشمعنى واكيد ماتحب اهلى وهكذا
تقربى لام زوجك واخواته وخلى علاقتك مع سلفاتك بحدود مايرضيك

كونى انتى الافضل وادفعى دائما بالاحسن ولاتقابلى السيئه بالسيئة بل قابلى السيئة بالحسنة فلابد ان تثمر هذه الجهود فى يوم من الايام

<=============هذي اول مااعرست كانت دجاجة صقعاااااااااا ماتعرف ترد ابد

(جدار طمين على قولتهم)

بس تبين الجد عندي اربع سلايف وربي ثلاث منهم اجوديات كلن في حالة بس الرابعة هي الطامة الكبرى هي بروحها عن الاربع ولا المشكله تموووووووووووووون بزود على بيتي لان زوجي الله يهديه معطيها وجه المهم قامت استقعدت لي من تزوجت لاحظي اني كنت بزر يوم اعرس16 سنة<====الله من الملح

المهم هي مهيب حولي في العمر هي كبر امي وعيالها اكبر مني كنت دبشه واسكت واروح البيت وانا خانقتني العبرة واقول ليتني وليتني رديت وكنت من زود الدباشة اعلمه ثمن يقلب علي هو ويكون في صفها لانه طبعا يعتبرهااااااا اخت الكبيرة لان طبعها هي تمون بزيادة يعني تدق عليه الصبح في المكتب وتسولف معه تحب تبين له انها هي الفاهمه والسنعه وانها زي امه بس موب هذا الي بط كبدي الي بطها انها تقعد تحش فيني وفي اهلي بطريقه مبطنه بيحث انها تزرع في زوجي كره اهلي ..
رغم اني ماكنت ماذيتها في شئ وحتى اهلي ماهم لها على درب بس هي الي الله يهديها حطتني في راسها
اذا سيرت في يبتي ماتخلي ثلاجه ولادولاب الاتفتحه ساعات ترقى فوق وطبعا بدون استاذان يعني بصراحه انسانه مزعجه لو هي امه ممكن افوتها حشمة لولدها بس سلفه وكذا صعبه..
واذا جلسنا في مجلس تحاول انها تقلل من قيمتي ساعات او تتطنز على منطقتي لاني من غير منطقتهم <==========عدال يامنطقتهم جنيف على غفلة
ولاحظي ساعات يطلب مني اسوي الغداء لهم مع انهم بيت كبير مشالله وبناتها كثير واقول من عيوني ونروح به لهم وانا بشهادة الجميع طبخي يجنن وتعالي اسمعي العذربه في طبخي وربي حتى كلمه كثر الله خيركم ماتجيني الظاهر..
علشان ام زوجي متوفيه حطت عمرها خالتي على بالها..
لدرجه انها مرة استلمت غداي عذربه لانها هي ماتعرف تسوي غير الكبسة طيب وانا رايحه ببرياني يجنن وسلطة تهوووووووس جديدة وحلا تشيز كيك وورق عنب المهم قالت هذا اصلن موب اسمه برياني الا انكانكم انتم تسمونه كذا قلت وانا اتبسم ليه وش اسمه قالت مقلوبه
قلت هذا مقلوبتكم انتم يالفلان اما عند الناس الي تعرف والي يفهمون في الطبخ المقلوبه تسوى بالخضار الله يحييييييييتس واي كتاب طبخ بتشوفين البرياني بنفس طريقتي الا اللهم انا رزي اطعم<===قايلتها بدلع
استلمت السلطة محد يحب الخرابيط عيالي يحبون السلطه تكون من غير هالحواق الي فوق هالسلطة قلت وراهم غسلو صحونهم الا حبوها تلاقينهم ملووو من سلطه بيوت العروس الي انتم دايمن تسووونهاااااااااا:o
استلمت ورق العنب قالت حااامض مرة وشذا احتر على تسبدي قلت يومن كبدك تحتر وشوله تاكلين منه انا جايبته للناس الي يحبون الحامض وورق عنب من غير ليمون ماينبغى بس معي حبوب حموضه تبين الله مير يسلمتس..
سكتت وبدت تبي تحكي التفت عليها قلت عاد انا سويته وجبته واذا موب يجوز لكم غداي ورى يوم كلمنا عليكم بنجيبه ما تشكرتوووو وقلت لا غدانا جاهز والا تبووون تلهطون الغداء وترتاحون من تسواته وتعذربونه ....
كثر الله خيري الي تعنيت به والا يبنات وش رايكم والتفت على بناتها اضحك ضحكووو وهي انتسان هالجدار ردها هي ردتها..

تصدقين اذا جاء عندهاااااااا حريم ما تتصل علي لا تروح هي وخشتها تتصل على زوجي في المكتب تقوله خل حرمتك تجينا عندنا عزيمه..!!
<=====بس ذي ما مشت الموضوع :30:
جاني يقولي على الغداء بتروحين لمرت اخوي الليله قلت ليش وش عندهم قال عندها عزيمه حريم.. قلت ما عندي خبر ولاحد عزمني قال لاهي اتصلت فيني رديت عليه قلت وانت وش دخلك بالموضوع عزيمه حريم ورى ماتصلت علي ولا ماتعرف رقم التلفون اسفه الي مايقدررني مااقدرة..سكت هو وحسيته في داخله مأيدني..
المهم جتني بنتها عقب اسبوووووع قالت وينك يوووم العزيمه قلت محد عزمني والا انا افرح بشوفتكم ولو انا عندي احلى من جمعتكم ياعيوني<========مهيب دفشه تكسبهم بذرابه
ردت بنتها قالت الا امي كلمت عمي ...قلت ايه بس انا محد كلمني وهو نسى يقول لي وبعدين انتي تشوفيها عدلة؟؟ انها تكلم عمك وانا ماتكلمني وهي عزومة حريم؟؟!!
سكتت البنت وشكلها وصلت كلامي لامها عقبها تادبت امها..وصارت تتصل علي انا.
المهم انها انكويت بنارها سنتين ..سنتين من الاسى والمرارة..<=====:29:
ثمن شلحت عن ذرعاني وقلت الثار ولا العارقلت انتسان ابوك حيح امك احيح<===مثل لغير النطاقين بالعربيه يقصد به رد الصاع بالصاع والبادئ اظلم

هي من النوع الي ماترمي الكلمه جديه تجيبها مزحه رزحة قلت حلووووووووووو ادخل عليها من الباب الي دخلت لي منه هي تهزب وانا ارد بردود ابرد بس تحررررررررررق لدرجة انو سلفتي الثانيه صارت تقولي خفي عليها من جد سكتيهاااااااا والله انك بردتي كبودناا فيها قلت بلا الي جاني منها موب قليل..:30:
وبعدين نقاشاتي معها ذي ماتكون في عزايم رسمية
اذا كان مافي جمهور الا قليل احسن وثاني نصيحه انا ماغلط انا ارد اذا قلت ادبها باسلوب ارقى من مستواهااااا لانها حرمة كبيرة بس مع الاسف تعيش مراهقه متاخره والا وشلها ولي تغااااااار لاني صغيرة وحلوة وبيتي احلى من بيتها بس انا وش ذنبي<=====جتهم وهي قطوة مغمضه لكعوها غصب:06:
تبين الجد انا صرت افحمها اني اذا ماصار شد بينا احترمها كثير وبعدين والله اني مسالمه اصلن بس ماحب احد يدوس لي على طرف وتبين الجد همانا نتناقش وساعات نذب بس وربي ما اطلع من المجلس الا انا ناسيه الموووضوع واني ماني شايله عليه في قلبي الا اذا جابو سيرتها اقول الله يخليها لعيالها
وعموما انا اتصل عليها فقط في المناسبات يعني عيداو رمضان او احد فيهم تعبان اسئل عنه ..غير يفتح الله

وبعدين ما اروح لها الا كل شهرين او ثلاثه شهور وبعدين مااااااقول وركزي على هالنقطه مااااااااااقوووول لزوجي عن صولاتي وجولاتي معهااااااااا بلعكس مبينه اننااااا سمنة على عسل لاني لقيت هالشئ في صالحي واذا قال لي وش اخبارك مع فلانه اقول انت خابرهااا هي الله يهديها طبعها كذا بس انت عارفني اكبر راسي واصير انا العاقله في نظره
وحطي في بالك ان الصووووووت العالي مع الخصم دليل على ضعف حجتك انتي يعني خليك كووووووووول وردي ردود باردة بس من جوا تلذع :19:

بس الحمد لله اللحين صارت تحسب لي الف حساب وتحترمني وبعدين تزوج اثنين من عيالها وشافت الفرق بيني وبين حريم عيالها ودرت اني انسانه اطهر الارض الي امشي عليها<===بدت تمدح في عمرها..:11:
من جد والله تغيرت كثير معي وبعدين تزوجت لها بنت وتطلقت بسبتها هي مع زوج بنتها وطريقه تعاملها تحسب كلن غادة يمشي لها..وهالشئ كمان اثر عليها الله يهديهاااااا..
بس بين الفينه والفينه ترمي علي كلمه كنها جبل بس انا لها بالمرصاد وياجبل مايهزك ريح..

واذا تبين تاخذين دورة عند سلفتي اتفقت لك معهااااااااااا خخخخخخخخخخخخخخخخخخخ
عزالله قلتي الله يحلل سلفتك عندهاااااااااااااااا..

وانا بجد مانصحك تسكتين لان الي يسكت هاليومين يعتبر جدار طمييين كلن يطمرة بس
يعتمد وش نوع سلفتك انت ما شرحتي لنا وش نفسيتها ولا ذكرتي مواقف صارت لك معها عشان نفهمها ونعرف من وين ندخل لها..بس اذا صارت ماتوزن كلامها وتتبلى عليك
لاتتلاسنين معهااااااااااااااااااا وان كانت هي تقل ادبهاااااااااا ومهيب صاحيه يعني عليها قل صح وسفيهه..
ردي عليها دايم قوولي لها في وجهها اذا هي وقحه انا ماابغى انزل لمستوى هالنقاش انا اكبر من هالشئ وان كانت ام زوجك فيه اكسبيها وقولي حشيمه لخالتي ام فلان انا منيب رادة عليك والا ترى كلن له لسان ويعرف سيتخدمه صح ويعرف سيتخدمه غلط بس يرجع لتربيه الواحد والبيئه الي هو طالع منها..<======تقولين هالكلام وانتي تبتسمين بكبريااااااء موب وانتي تنتفضين معصبة:31:
ولاتخلين بينك وبينها اي احتكاك اذا جلست في الشرق اجلسي في الغرب

واذا سولفتي مع احد وطبت هي في الموضوع تبي تحتك انتي ولاكنك سمعتيها الحقران يقطع المصران..
اذا دخلت مكان اطلعي منه زي مطبخ او مقلط اما المجلس لا تتركينه علشانها بس ابعدي عنها..

دايماااااااا اكشخي وكشخي عيالك واذا بغت تجيك مع اهل زوجك اقهريها بالحط الزين والذرابه خليك احسن منها واذا جتك هي حطي قهوه وتمر وشاهي وبس ولاتقعدين معها واجد تعلثي بتصليح الشاهي والقهوة لوانك مصلحتهم من بدري.. وخليك رسميه وشلونكم وش اخباركم ولا تعطينها اي هرجه لا من قريب ولامن بعيد وانتبهي تجبين سيرة احد لو بالخير لان هالنوعيات ممكن تكذب وتقول انك قايله فيهم كذا وكطا وهو كذب..
لانو زي مافهمت منك انها بزر وتوهاااا صغيرة يعني في امل انها ممكن تتغير اذا جا عندها عيال وتلهى فيهم ادعي لها ان الله يلهيها في نفسها ..
وبعدين ساعات اذا صار الشخص الي يحاول انه ياذيك شخص سطحي وسفيه الرد عليه بحماس واعطائه اكبر من حجمه يقلل من قيمتك انتي قدام نفسك وقدام الموجودين..
وانتبهي تدخلين معها في حوارات وتقعدين تحلفين ابد اذا شفتيها تحكي كلام ماصار قولي لها ببرود ربي بيحاسبك على كل كلمه تقولينها كذب والله لايحللك
واناواثقه من نفسي اني عند ربي صادقة ولا راح اكذب على موضوع تافه زي غيري علشان دنيا الاخرة هم تبي ..

اما بالنسبه لكسب اهل زوجك سوي زي ماقولك وادعي لي..
اذا بغيتي تروحين لخالتك صلحي طبخه بسيطه حلا او معجنات او نوع سلطة جديد وقولي لخالتك عجبتني ياخالتي ولا هنتني ولا استطعمتها الا اذا ذوقتك ايها وخليها عادة عندك موب مرة تصيرين سنعة وبعدين خلاص لاا ابتلي ..
وبعدين خلي كلامك مع خالتي جعلي ماذوق يومك جعلك في الجنة قبل كل جمله والله لايخلي منك انتي نورنا وحبيبتي وياعمري دلعيهااا وزي كذا من كلام الدحلسة وربي يجب لك راسها بقوة..
وبعدين اذا عند خالتك عزومه اتصلي ولزمي انك بتفزعين بشئ وبكري بروحه
روحي لهم بدري وقولي اني اصريت على فلان اجي بدري رغم انا ما خلصت شغالي للعمل عشان اعاونك ياخالتي موب تجين وتسكتين ماينفع هاللحين الا هالحكي ..
وبعدين ياسكر شوفي لو تعبت خالتك من غير شر يعني زكمت او رشحت صلحي لك شوربه دجاج وان كانت ماتاكل الدجاج شوربه لحمه مع شوي فلفل او اي طبخه تصلح للمصاخين وطيري لها لو باليل قولي خابرتها انها تخفف التعب وماهنتي علي يابعد قلبي اخليتس تعبانه
واي يوم صلحي غداك والا عشاك وروحي انتي وزوجك وعيالك لها كوني رسميه مع السالفات وخوات الزوج ايه... لكن ام الزوج كوني لها بنت ومدحي في بناتها وفيها وفي ذوقهاااااا وفي بيتها وفي اهلها وخواتهاااا..
ولاتنسين اذا ولدو بناتهاااا احسن واغلى الهداياااااااااا جيب لهم خليك في الطليعه واذا جابوووو سيرة سلفتك وانها قالت فيك شئ قولي ياخالتي والله انا حاولت اجيها بالتي هي احسن بس هي الله يهديهاااا مالها الا ندعي لها بالصلاح لاتضيقون صدري الله يستر علينا وعليها والله يسامحها على كل الي تقوله..

كلمي خالتك دايماااااااا واسئلي عليهاااااااا ولا تنسينها كل وقت وقت اهديها هذا دهن عود هذي قطعه قماش غاليه هذي عبايه حلوة والعيد وبدايه موسم الصيف وموسم الشتاء فاجئيها دايماااا
تعرفين كبار السن الله يرضى عليهم وشيبون منا غير الكلمة الطيبه وهاذي ام زوجك يعني مافيها طيب ولامعروف انك توصلينهاااا..
وهذا وجهي ان ماجيتي في غلاة بناتها عندهاااااااا وطبعا اذا صرتي محبوبه وغاليه عندهم بتصرين انتي الصح وسلفتك هي الخطاء وبيجون في صفك..
وسلفتك هذا وجهي ان قدرت تسوي كذا ...!!
شكلها مالها جلد على المجاملات شكل( هير فيس لايك هير باك)<===لغير الناطقين بالعربي وجهها وقفاها واحد..

وسلفتك بتولع صدقيني اذا لقت ان اهل زوجك يحبونك وانهم في صفك وبتعقل وتترك في حالك..
وبيني لزوجك ان امه اغلى عندك من نفسك ودايما وصيه عليها قولي له لاتنسى تكلم امك لاتنسى تعطي امك لاتنسى تدعي لمك ومن هالكلام لانه بيقول لها انها دايم توصيني عليك..
والله يوفقنا ويوفقك واسفه طولت عليك ولاتنسين علميني بس ترى الموضوع موب سهل يبي له صبر سنين علشان تشوفين النتيجه ولاتنسين ادعي لي..
تحياتي..

السلام عليكم
بصى يا عسل يا صاحبة المشكلة ولا هى مشكلة ولا حاجة أنا سأخبرك عن خلاصة الخلاصة بس مش مترتبه وأنتى رتبيها برحتك أولا فى حديث أخذنا فى المدرسة الثانوية يتلخص فى ( لما ترضى ربنا فى معصيه حد يرضى عنك ربنا ويخلى اللى زعلتيه عشان تراضى ربنا يرضى عنك ولو زعلتى منك ربنا ورضيتى الشخص أو حتى أهوائك يبقى ربنا يغضب ويغضب الشخص الذى أرضيتيه فى غضب الله ) دى أول نقطه طالما ربنا راضى عنك يبقى مفيش فى حياتك مشكلة ولو مش راضى ولو شايفه نفسك فى أحسن حاله يبقى حالتك يرثى لها( أولا أنا مش زى ما تتخيلى بس اللى بقوله هو الصح ربنا الهادى لكل المسلمين) المهم يبقى مشاكل أيه ورديتى أيه ومردتيش أيه ربنا حيرد عنك ويدافع عنك طول ما أنتى معاه دى أول نقطة وفيه دعاء أخت فى معهد إعداد دعاة أخبرتنى بيه تصلى ركعتين وفى أخر سجدة تقولى ( وأفوض أمرى إلى الله إن الله بصير بالعباد) ودى أيه فى القرأن اللى بعدها أيه فوقاهم الله سيئات ما مكروا وأنا وناس كثير دعوا لى كانوا زيك وزيى وزى ناس كثير مظلومين وقلنا هذا الدعاء فى الصلاة وطول ما أحنا جالسين وربنا بعد مدة قصيرة حيريح قلبك وكفايه أنها لما تحلف بالله كذب ده يمين غموس هى كسبت الدنيا وخسرت الأخرة لو لم تتوب أنتى أكسبى أخرتك ولما تيجى تكذب قولى لها شهادة تلقى بها الله يعنى لو هى كذابة شهادة تلقى بها الله وهى كذابة والعكس بالعكس المهم أوعى تخليها تأخذ أغلى حجتين عندك وقتك اللى هو عمرك فى التفكير فيها و الرد عليها وكمان حسناتك بالغيبة ويا بنت الحلال صباح الخير يا جارى أنت فى حالك وأنا فى حالى ..... والحق ولو طال الزمن مسيروا يبان ( أنفع مؤلفة مسلسلات دراما ):17: المهم كده أنتهينا من سلفتك. فكرتينى بمثل عندنا فى الفولكلور المصرى ( مركب الضراير دارت ومركب السلايف غارت). وبرده ( أدفع بالحسنة السيئة فإذا الذى بينك وبينه عداوة كأنه ولى حميم وما يلقلها إلا اللذين صبروا وما يلقاها إلا ذو حظ عظيم) ده مش كلامى ده كلام ربنا وسمعت عن سلايف كانوا أعذوا بالله ولما الدين دخل خرجت الشحناء والبغضاء وأجتمعوا (لا مش على الحماة على طاعة الله )
نيجى على حماتك يا قمر الست دى اللى بتعمليه فيها هو اللى حيتعمل فيكى قبل كل تصرف تتصرفيه معاها تذكرى نفس الموقف حتعمله معاكى مرات أبنك:26: ومن الفولكلور المصرى جبت لكى هذا المثل ( مسيرك يا مرات الأبن حتكونى حماة) فأتقى الله فيها وبعدين روحى هاتى لها هداية لوجه الله ونظفى لها ورتبى لها بيتها وحبيها من قلبك ومتبخليش عليها على قد مقدرتك وحتكونى نور عينيها اللى تشوف بيه وحتدعى لكى وخلى بالك عندنا فى الفولكلور المصرى ( دعوة الأم فى الكم ودعوة الحماه فى السما ) يعنى مستجابه أكثر لأنها ناتجة عن حسن سير وسلوك منك أما الأم تدعوالكى سواء كنتى معها ظالمة أو مظلومة ولما تكون معاملتك دى لله ربنا حيرفع قدرك عندها وعند جوزك وإكرامك لأمه ولو لم يخبرك يزود حبك فى قلبه درجات كثير مهما عملتى مكنتيش حتو صلى لها إلا برحمتك ليها ( والله هى طمر فيها مطمرش ميهمكيش أنتى بتعملى لله) وكما تدين تدان ....
وبعدين لكل شخصية سواء أنت أو هى ( أقصد سلفتك الأن) حالة مختلفة عن الغير فستفتى قلبك وإن أفتاك الناس وأفتوك وطولت عليكى وياريت ميكنش ردى ثقيل الظل على قلبك .
أختك هبهوبة:cook: