بسم الله الرحمن الرحيم
حبيت اقووولكم عن تجربه لي شخصيآ أنآ ( دآنآ غير )
انا معي مشكله في الشعر
على طول قصير ومتقصف
واذا طال يكون خفيف اللي تحت واضطر اقصه
وعشت معاناتي من المتوسطه للثانويه للكليه وانا شعري قصير ومو ناعم ومابه اي حيويه
واضطر اشتري شباصات الشعر والبسها عشان تعطي شوي كثافه للشعر
وباين انها تركيب بس مدري وش ارقع في شعري غير هالطريقه وخاصه بالمناسبات البسيطه
العآم قبل زواج اخوي بيوم رحنا للسوق عشان نكمل بعض الاكسسوارات لملابسنآ وكذا
طاحت عيني على شباصه واخذت منها 2 لي ولااختي
جيت البيت مبسوطه فيها وتشووفني وحده من خواتي قالت انتي تعرفين وش حكمها
قلت اختلفوا فيها
قالت طيب ليش ماتتركينها ( الاحتياط واجب )
وقعدت هالكلمه برأسي وانا اناظر الشباصه ارميك والا ماارميك
بس انا محتاجتها حييل عشان زواج اخوي في اليوم الثاني
لان ليلة الزفه اسوي تسريحه وينرقع شعري مع التسريحه
وانا اناظرها ياربي محتاجتهآ وش اسوي ؟!
قلت يابنت احمدي ربك ان لك شعر لو فيه عيوب بس لك شعر
وانا اخذ الشباصتين والفها بكيس وقلت يارب من ترك شيئآ عوضته بخير منه
ورحت ورميتهـآ
وربي يابنآت والله الذي لاإله الا هو .. بعد شهر من زواج اخوي انعزمنا في عشاء وكان في استراحه
وانا كنت متردده وش اسوي اروح والا مااروح
وشعري وش اسوي فيه ؟
ارفعه بشباصه بس ؟ .. طيب شكلي بيكون يفشل حتى لو استشورته ماراح يضبط
رحت وفكيت شعري ودهنته ورفعته بعد ساعات غسلته ورحت واستشورته
خلصت استشوار اطالع في المرآيه وانا مبققه عيوني كذا > O_O
هذا شعري ؟!
نزلت وانا ساكته ومذهوله قلت بشوف ردة فعل خواتي وحريم اخواني
شافتني زوجة اخوي قالت ماشاء الله ماشاء الله وبدت تذكر الله
شافوني خواتي استغربوا سبحان الله
وش صار بشعري ؟ مدري ماحطيت شيء والله على شعري
اصلا كنت يائسه منه بس الفه بشباصه وارفعه كنت على طول كذا بس رافعته
سبحآن الله .. مدري وش صار
هل هو طال يعني ؟ والا يعني كثر ؟ والا صار في الباقي من شعري بركه من الله ؟
والله يابنات صرت مااحتاج لشباصات سبحآن الله
ماشاء الله .. ماشاء الله .. والحمدلله
حبيت انفعكم في تجربتي البسيطه .. لا لا مو بسيطه
هذا امتثالا بالحديث ( من ترك شيئا لله عوضه الله خير آ منه )
،،،،،،،،،،،،
اللهم لك الحمد كمآ ينبغي لجلال وجهك وعظيم سلطآنك

دآنآ-غير @dana_ghyr
عضوة
يلزم عليك تسجيل الدخول أولًا لكتابة تعليق.

ما شاء الله الله يهنيك بشعرك .. وفعلا والله حديث الرسول صلى الله عليه وسلم .. بس حبيبتي ما فهمت عليك وش صار يعني فشعرك وش التغير اللي حصل فيه ؟ وهل لاحظتيه بعد شهر من السالفة ولا بالتدريج حسيتي بتحسن .. وضحي لي الله يعافيك

أظن الأخت تقصد الشباصات اللي يجي موصل بها شعر مثل البستيجة والباروكة بس تكون خصل مو شعر كامل وطبعا حكمها حكم التوصيل .
الله يبارك لك أختي بشعرك
الله يبارك لك أختي بشعرك

ما شاء الله
وياليتك حطيتي صورة الشباصات عشان البنات ينتبهون
( قصدك الشبصات الي مركب فيها شعر وتعتبرمن باب توصيل شعر ) صح
وياليتك حطيتي صورة الشباصات عشان البنات ينتبهون
( قصدك الشبصات الي مركب فيها شعر وتعتبرمن باب توصيل شعر ) صح

الصفحة الأخيرة
هو توك الشعر حرام ؟
ولا قصدك طريقة رفع الشعر