اللي عندها شغالة اندنونسية تدخل الله لا يهينها

السلام عليكم حبيباتي...
بنات انا اشك في شغاتي انها ما تحافظ على الصلاة...
هي اندنوسية توها لها ثلاث شهور ولاحظت عليها انها (احيانا) ما تصلي الفجر ولمن اصحيها تصلي تقول لي (خلاص ماما صليت) مع اني ما اشوف انها قامت..فعلا حيرتني..
حتى اهلي لاحظوا عليها انها احيانا ما تقوم تصلي (الفجر بالذات) ويوم شفناها كذا صرنا نسهر انا واخواتي لين الفجر بس عشن نتاكد هي تقوم تصلي ولا لا .... (لاني كنت اقول يمكنها قامت صلت واحنا لسه ما قمنا..) ولمن كان يجي وقت الصلاة ما كانت تقوم وكنت اصحيها وكانت تقول خلاص صليت مع اني طول الليل مراقبتها ما قامت ولا تحركت من فراشها بس ليش تقول لي صليت وهي ما صلت ما ادري؟؟ وليش من الاساس ما تقوم تصلي برضه ما ادري؟؟؟؟؟؟؟
واليوم انا ما صحيت اصلي الفجر الا الساعة سبعة لان بنتي ما خلتني انام الا الساعة ثلاثة الفجر.. بعدين رحت للشغالة وقلت لها قومي صلي قالت لي خلاص انا صليت...مع اني اشك انها كذابة لان اللي حق التشطيف اللي في الحمام (البخاخ او الشطاف على قولة البعض) كان طايح بالارض من الليل..ولدي الصغير دخل الحمام والجميع بكرامة ورمى اللي على الارض وكان طالع من تحت الباب لان الحمام صغير مرة .. والشغالة يوم تقول انها صلت االشطاف كان طايح مثل ما قلت من الليل ولا تحرك من مكانه فانا شكيت فيها انها تكذب علي وواجهتها وقلت لها كيف صليتي والشطاف من الليل وهو ما تحرك من مكانه قالت لي ( الا يا ماما انا صليت الساعة خمسة ونص..انا قمت الساعة خمسة ونص وصليت) بس ما حلفت لي لانها بالعادة اذا كانت صادقة تحلف لي عشن اصدقها بس هالمرة ما حلفت وشكلها يا بنات يوم هي تكلمني انها ما هي صادقة باين عليها انها مرتبكة...
بنات شوروا علي تكفون شسوي معها مع العلم انها تصلي بقية الصلوات كلها والفجر بعد تصليها بس مثل ما قلت احيانا اشك انها ما تصليها وسبق وخبرت زوجي وراح اشترى لها كتب فقهية ..
ياليت اللي عندها خبرة في الشغالات تساعدني هم يسوون كذا كلهم ولا بس اللي عندي وكيف اتصرف معها والله يجزيكم كل خير