اللي عندها شغالتين تدخل الله يجزاها الجنه

السلام عليكم ورحمة الله
شوفي حبيبتي...كان عندي شغالتين وحده فلبينيه والثانيه هنديه بس الله لايبلاك جننوووووووني بكثرة الهواش والصيحه والتشكي طووووول اليوم كان بينهم غيره فظيعه
الفلبينيه نظيفه ومرتبه وشغلها دقيق وهادئه عكس الهنديه بس كانت من تحت لي تحت تستفز الهنديه اللي عادةً كانت تعبر عن قهرها من الثانيه بكثرة اللغي
المره الثانيه جبت ثنتين من نفس البلد حتى يتصالحون مع بعض بس النتيجه انهم كان يحيكون مؤامراتهم ضدي:30: يعني كانت كل وحده تغطي على الثانيه وتتستر عليها
اما الشغل كنت مخصصه حق كل وحده شغل معيين وهم ما سلمت من اذاهم
من الناحيه الماديه:eek: الله المستعان ...اكيد كان الصرف اكثر
اما الحين عندي وحده بس ....ومرتاااااااااحه ولله الحمد وعسى الله يسخرها لي يااااااااارب

اهلي عندهم شغالتين ..
والله مسكينه امي ..
يوم جابت نفس الجنسيه ...صاروا يتامرون ضدها ويغطون على بعض ..
قامت جابت سيلانيه ...واندونيسيه ..
صاروا صديقات بس مش مره ...
بس طبعا قلوبهم على بعض ..
مافي وحده تفتن على الثانيه ..
والمصيبه العظمى ..
انهم يضيعون امي مع انها مقسمه الشغل بينهم ...
يعني اذا امي سالت من جاب ذا ولا من نظف هذيك الغرفه ..
ثنيناتهم يقولون ماادري!
واللي قبلهم كانوا يتهاوشون مع بعض ...
لدرجه مره ضربوا بعض وصارت معركه في المطبخ ...
توتر ماابعده ...
الله يعينك والله ...
طبعا مادياا بيكلفونك ...
لان الوحده مااتتشجع لحالها تطبخ كثير او او ..
لكن اذا ثنيتن ...
يوووووووو...
يطبخون غداهم غير عن اهلي ..
وفطورهم يسوون لنفسهم وليمه ...!!
يعني بالعربي ...يفتحون نفس بعض على السوالف والاكل ...
بس امي مضطره وش تسوي!
لازم تقسمين الشغل ...
ولاتنسين المقوله(فرق تسد)
الله يسهل عليك..

أنا عندي شغالتين و من نفس الجنسيه

مقسمه الشغل بينهم
يعني وحده مهمتها اليهال إذا إنا مش في البيت يعني في الدوام و الثانيه للطباخ

لكن شغل البيت الباقي من تنظيف و غسيل و كوي يشيلونه مع بعض ما فيهم واحده تقعد بطاليه
الظهر وحده ترقد و الثانيه تقعد و لين العصر الأولى تقعد و الثانيه ترقد، يعني يتناوبون

و الحمد الله بس على فكره إنا فيهم واحده جايه قبل الثانيه بسنه ونص تقريبا و زادها زوجي
لأن معاملتها مع عيالنا زينه و ناويه إن شاء الله أزيد الثانيه على رمضان إن شاء الله

و الله يرزقنا خيرهم و يكفينا شرهم

موضوع مهم
لان على قد ماتسوي الوحدة
الاانهم دمااااااااااااااار اعصاب
الله يسهل امورج اختي

مشكورين ياقمرات على الرد بس صراحه خوفتوني انا وحده ومضيقه على اتمنى اني اقلعها وشلون لو تجي الثانيه طيب شرايكم لو اخلى وحده فوق ووحده تحت