اللي عندها شغاله وعايشه بيت اهل زوجها تدخل..

هلا وغلا عزيزتي
المساله تعتمد على عدة اشياء
هل اهل زوجك عندهم شغاله غير الشغاله اللي بتجيبينها لنفسك؟
اذا هم ماعندهم فما اشوفها لائقه انك تاخذينها وتتركين ام زوجك تشتغل ...
واذا هم عندهم شغاله فا اعتقد انها شغاله خاصه فيك وتاخذينها وتقعد ملازمه لك عشان تخدمك
وبرضوا يعتمد على كونك انتي وزوجك اكلكم مع اهل زوجك والا مستقلين باكلكم وشربكم..
اذا كل واحد ياكل بلحاله فا ما اعتقد لهم دخل الا مثل ما قلت لك اذا ماعندهم شغاله واهم شي ام زوجك ما تشتغل حرمه كبيره ما ينفه تكرف العجوز وانتي تتمخطرين بشغالتك ..
ويعتمد كمان على راتب الشغاله اذا انتي تدفعين راتبها والا زوجك اذا زوجك فما يمنع ان شغالتك اللي ولدهم يدفع راتبها تساعد شوي وتشيل من الحمل اما اذا انتي اللي تدفعين الراتب فا بتشتغل عندهم كرم منك واذا ما تشتغل مالهم دخل لا فيك ولا فيها



بالتوفيق لك

شكرا اختي طموحي محبة الله على الرد.. صحيح كلامك يعتمد على عدة اشياء ...بالنسبه لاهل زوجي عندهم شغاله ولله الحمد وهي لا تخدمني الا نادراااا..والاكل والشرب نحن مستقلين نوعا ما عنهم..لكن عندي سؤال مثلا لو غلطت الشغاله في شي اكيد ام الزوج بيتزعل وبتحط اللوم على زوجة الابن ... فكيف اقدر ابتعد عن هذه المواقف...؟

هلا اختي انا كنت عايشه بيت اهل زوجي وكانت عندنا شغاله بس للبيت ككل تنظف تساعدنا في الطبخ تمسح تكنس بيت عمتي احنا غرفنا لا بس اذا طلبنا منها ما تقول شي

لكن غسيل ماتغسلالا لعمتي اما التنشير احيانا تنشر لنا
بنسبه للكوي عندنا وحده مختصه لذا الشي يعني الشغاله ما تكوي الا لو شي ظروري
اما بخصوص اذا جابت وحده لها شغاله من سلفاتي او انا
اولا نضام البيت مقسوم يعني انا وسلفاتي كل وحده ما خذه غرفه وحمام والى عندها اطفال ما خذه غرفتين وحمام الله يكرمك فشغاله لما تجيبها تنظف لها غرفتها ترتبها تغسلها تنشرلها وفي نفس الوقت تقلها لازم تساعدين عمتي في الغسيل على الاقل وتزيدها مبلغ بسيط من المال وانتها
وبكذا تكون ما زعلت عمتي او اي شي

والصراحه احنا لما الوحده تكون نفاس فينا نجيب شغاله تقعد عندنا
اما جايه تنظف الغرف والغسيل نجيب وحده بساعه افضل للجميع

وانا انصحك انه تجيبين وحده بساعه احسن لكي

انا ام زوجي ساكنه معي وعندي شغاله ومن اول يوم تجي الشغاله اعودها انها تسمع كلامي وكلام ام زوجي
بس المشكله ان ام زوجي احيانا تزعل لما اخذ الشغاله معي وانا اخذ الشغاله علشان تساعدني على ولدي الصغير
زعلت كم يوم وفي الاخير رضيت ورضخت للامر الواقع
اهم شي انك تعودين شغالاتك تسمع كلام ام زوجك تعرفين الحريم الكبار يحبون يتحكموا شويه