مخملية بنوتة :

شوفي حبيبتي جيبيها مو شرط تمسك بنتك مبدأيا خلي عليها بس تنظيف البيت وانتي عليك الطبخ والبنت وبعد كم شهر لما تطمني لها خلي معاها البنت لما تخرجي كم ساعة واستودعي بنتك الله وأصلا اذا معاملتك لها تمام راح تحبك وما تأذي بنتك والله العظيم انه كان عندنا شغالة ما تقولين أندونيسية اللي تقولين سعودية قسم بالله تعلمت مننا كل شيء حتى الأكلات الشعبية الجنوبية اللي مرة صعبة سارت تسويها قعدت عندنا عشرة سنوات . تعرفين ايش تعلمت مننا : 1- أول من يقومون أمي وأبويه من النوم في أيام خميس وجمعة يلاقون القهوة جاهزة على الطاولة ومعاها التمر وشغل مرتب ، وبعدين تسوي الفطور وتتفنن فيه وأيام الأسبوع الباقية لما نقوم العصر نلاقي القهوة جاهزة ونوع حلى والتمر وبعدها الشاهي وفطاير وحركات 2- الغدا تتفن حتى بطريقة التزيين وأنا كنت أرجع من الجامعة بعد ما يتغدون أهلي ألاقيها مجهزة لي غدايه ومزينته بالبقدونس وطريقة العصير والخ ... تفنن في كل شيء 3- لما بنروح لأحد من نفسها تجهز القهوة والشاهي وطبق نوديه لهم . 4- لو بيجي أحد تسوي سفرة كاملة في ثواني وتشرفنا قدام الناس . 5- جدتي - الله يرحمها - لما كانت تجي تنام عندنا في بعض الأحيان ونكون احنا نداوم كانت تسوي لها الأكلات الشعبية الجنوبية وبطريقة ممتازة . 6- لما يجوا ضيوف بشكل مفاجئ تستقبلهم بطريقة حلوة وتدخلهم غرفة الضيوف . 7- والأهم شافتنا من النوع اللي يقوم الليل ونتحصن بعد كل صلاة ، بس طبعا كل وحدة في غرفتها قسم بالله انها تقوم قبل الفجر وتصلي زينا وتدعي وبعد الصلوات تتحصن وبصوت مرتفع احنا نسمعه . كانوا كل الأقارب يتكلمون عنها وعن شطارتها بس للأسف سافرت والله اني انجنيت أنا وأخواتي من كبر البيت بشكل فظيع وكمان الحوش أكبر وأكبر والله معد قدرنا نقرأ كتب زي زمان ولا نهتم بأنفسنا زي زمان البيت كبير مرة مرة ونفسيتنا تعبت منه والحين قدمنا وعلى ثنتين مو وحدة وان شا الله بيجون ويريحونا . المهم راحة الانسان طبعا أنا أعرف ان بيتك صغير وما عندك الا بنت بس قصدي من كلامي ان الشغالة تقدرين تعلمينها كل اللي تبغينه اذا أحسنتي تعاملها . طالما زوجك موافق استغلي الفرصة وخذيها وجربي واذا ما عجبتك سفريها ، أخاف بعدين تحتاجين وهو يرفض ، وعادي حبيبتي اذا خلصت شغلها تروح غرفتها وانتي كمان بتسرين تهتمين بنفسك وما تشيلين هم الضيوف ، وتقدرين تاخذين دورة كمبيوتر أو انجليزي أو تروحين نادي رياضي ، تشوفين الناس ويشوفنك ، وتغيرين جو اذا حبيتي . وكمان تقدرين تبدأين بحفظ القرآن أو تروحين مركز تحفيظ لأنه بيكون عندك وقت . حبيبتي الحياة مو كرف في كرف طول اليوم ، طالما قادرة تجيبينها جيبيها وتوكلي على ربك وأكيد اذا أول مرة تجيبين شغالة بتكونين خايفة بس لأنها أول تجربة لكن بعد ما تجي وتعيشين الراحة وتنبسطين خلاص يروح الخوف . بس استخيري أول وادعي الله انها تكون بنت حلال وطيبة ولا تنسين اذا جات يكون وقت الصلاة راحة لها عشان تصلي وبكذا بتكونين نميتي فيها الحرص على الصلاة وبتأخذين الأجر. وبالتوفيق .

شوفي حبيبتي جيبيها مو شرط تمسك بنتك مبدأيا خلي عليها بس تنظيف البيت وانتي عليك الطبخ...