اللي عندها طفلين واكثر تدخل

ولدي عمره ثلاث سنوات يضرب اخته اللي عمرها 3 شهور رغم اني ما اجلس معاها الا وقت الرضاعه وباقي الوقت وللأمانه اما بالجوال او اشتغل بالبيت واجلس معاه وقت الأكل ويوم انظفه 
المشكلة بولدي انه اذا مثلا رحت المطبخ وكذا يروح لغرفة اخته ويقوم يرفعها ويرميها بالأرض او يضربها على وجهها وفي مره قام يضربها بحديدة ع عينها وهي نايمه واشوفه واقوم اجري وهي تصيح واشوف الدم ينزل من عند عينها انا هنا خلاص انجنيت احسب اتعورت بعيونها قمت ضربته بقوه وانا ابكي وخايفه ع البنت واعاين البنت مضبوط الاقي الجرح بجنب العين وقعدت احمد الله انها جات ع كذا 
بصراحه طول اليوم يدور ع الفرصه اللي يضربها فيها وانا اصبر واصبر لين خلاص اقوم اضربه قعدت كذا تقريبا مدة شهر وانا كل يوم اضرب فيه وبعدها اقعد ابكي احس نفسي مره تحملت منه الكثيير يعني مايقعد نظيف يوم كامل ويكب الأشياء ع الأرض ويوسخ نفسه وانا بس اجري وراه واكتم غضبي ويضرب اخته واكتم غضبي واذا جاء الليل وانا خلاص تلاقوني ماسكه نغسي للأخير ثم يقوم يضرب اخته بقوه وقتها اقوم اضربه بيدي ع ظهره المهم اني جلست مع نفسي وقعدت ابكي وقلت هذا مو اسلوب لازم اغير من نفسي ، صرت اذا ضربها احاول قد ماقدر اني امسك نفسي يعني بس اخاصمه وبس وقلت مرات ضربي له صرت بدل ما اضربه كل يوم صرت اضربه 3 مرات بالأسبوع المهم يابنات هو يضربها بعنف وبدون سبب ويقعد يضحك والمشكلة الثانية ولدي مايعرف يتكلم ومايفهم علي كثير فأحس مقدر اعاقبه بالأساليب اللي اشوفها ع النت مثلا اعطيه نجمه اذا سوا شيء صح واسحب منه النجمه اذا غلط احس ماتناسبه لسى ، والمشكلة الثالثه هي ولدي اذا زعل يقوم يفسخ سرواله وحفاظته طبعا ذا الأسلوب ينرفزني حييل واذا سوا كذا اقوم اجري واروح البسه والبي له طلبه بعدها غيرت اسلوبي صرت اذا فسخ اخليه ما اعبره صار يحك المنطقه لين ينزل منها الدم وصرت البسه حزام عشان مايفسخ بس بعض البناطيل مالها مكان للحزام فيرجع لعادته وعجزت معاه 

صح وبخصوص يوم يضرب اخته ويضحك خواله كان يلعبون معه كذا يعني يتضاربون او يقوم يضربهم وهم يسسون نفسهم يتألمون وهو يضحك وصار يلعب مع اغلب الأطفال زي كذا :/